آئی جی اسلام آبادکی زیر صدارت اسلام آباد کے کے مختلف مدارس کے علماء کرام کا اجلاس ، مدارس انتظامیہ اور پولیس کی ایک دوسرے کے ساتھ تعاون کی یقین دہانی
مدارس اور مساجد کو دوسرے فرقے کے خلاف نفرت انگیز تقاریر کے لئے استعمال نہیں کیا جائے گا نہ ہی نفرت انگیز لٹریچر یا سی ڈیز وغیرہ کی تقسیم یا تشہیر کی جائے گی ، علمائے کرام کا اظہار خیال ، مدارس کی پڑتال کے بارے میں بعض خدشات کا اظہار
بدھ 19 اگست 2015 21:30
اسلام آباد ( اُردو پوائنٹ اخبار تازہ ترین۔ 19 اگست۔2015ء ) انسپکٹر جنرل آف پولیس اسلام آباد طاہر عالم خان کی زیر صدارت اسلام آباد کے کے مختلف مدارس کے علماء کرام کا اجلاس ، مدارس انتظامیہ اور پولیس نے ایک دوسرے کے ساتھ تعاون کی یقین دہانی کرادی ۔تفصیلات کے مطابق گزشتہ روز سنٹرل پولیس آفس اسلام آباد میں انسپکٹر جنرل آف پولیس اسلام آباد طاہر عالم خان کی زیر صدارت اسلام آباد کے مختلف مدارس کے علماء کرام پر مشتمل وفد کے ساتھ اجلاس منعقد ہوا ۔
اجلاس میں اسلام آباد پولیس کے سینئر افسران اور مدارس کے نامور علما ئے کرام نے شرکت کی جن میں علامہ محمد نذیر فاروق،علامہ ظہور احمد علوی،علامہ محمد احسان ﷲ،علامہ محمد عبداﷲ،مولانا عبدالقدوس عباسی،مولانا عبدالغفار عباسی،مولانا حبیب اﷲ ،مولانا عبدالکریم اور پیر محمد عزیزالرحمان شامل ہیں ۔(جاری ہے)
اجلاس سے خطاب کے دوران آئی جی اسلام آباد نے اسلام آباد میں ایمپلی فائر ایکٹ پر عمل درآمد کے سلسلہ میں علمائے کرام کے تعاون کی تعریف کرتے ہوئے کہا کہ مجموعی طور پر اسلام آباد میں لاؤڈ سپیکر کے استعمال پر کافی کمی آئی ہے البتہ دیہاتی علاقوں میں اس طرف مزید توجہ کی ضرورت ہے جس پر علمائے کرام نے اپنے تعاون کو جاری رکھنے کی یقین دہانی کروائی ۔
اجلاس میں علمائے کرام نے یقین دلایا کہ ان کے مدارس اور مساجد کو دوسرے فرقے کے خلاف نفرت انگیز تقاریر کے لئے استعمال نہیں کیا جائے گا نہ ہی نفرت انگیز لٹریچر یا سی ڈیز وغیرہ کی تقسیم یا تشہیر کی جائے گی ۔اجلاس کے دوران علمائے کرام کی طرف سے مدارس کی پڑتال کے بارے میں بعض خدشات کا اظہار کیا گیا جن کو یقین دلایا گیا کہ اسلام آباد پولیس ان کے خدشات کو دور کرنے کے لئے تمام تر ممکنہ اقدامات کرے گی اور وزیر داخلہ چوہدری نثار علی خان کی ہدایات کو مدنظر رکھتے ہوئے پولیس کسی بھی مدرسے کی صرف اسی وقت تلاشی لے گی جب پولیس کے پاس اس مدرسے کے طلباء وغیرہ کے کسی جرم یا دہشت گردی میں ملوث ہونے کے بارے میں پختہ اور ناقابل تردید معلومات ہوں گی ۔جس پر علمائے کرام نے یقین دہانی کرائی کہ انہیں مدارس کے بارے میں کسی بھی قسم کی معلومات اگردرکار ہوں گی تو وہ مہیا کریں گے ۔آخر میں آئی جی اسلام آباد نے تمام علمائے کرام کا شکریہ ادا کیامتعلقہ عنوان :
مزید اہم خبریں
-
قومی معیشت کو نقصان پہنچانے والے عناصر کا احتساب ہو گا،ٹوبیکو، کھاد اور سیمنٹ فیکٹریوں میں ٹریک اینڈ ٹریس سسٹم کے معاہدےمیں فراڈ کی کی تحقیقات کے لیے کمیٹی قائم کرنے کا حکم دے دیا ہے ، وزیر اعظم ..
-
پنجاب میں ہمارے گھروں میں بنا وارنٹ چھاپے مارے جا رہے ہیں،عمرایوب
-
الیکشن کمیشن نے آزاد ارکان قومی اسمبلی کی سنی اتحاد کونسل میں شمولیت کو تسلیم کرلیا
-
اپنے بڑوں سے بات کریں ،اتنا ظلم نہ کریں ہم آپ کا حصہ نہیں بن سکتے،چیف جسٹس سندھ ہائیکورٹ
-
پاکستان کے ساتھ کوئی کشیدگی نہیں ہے، امریکہ
-
اجتماعی کاوشوں سے معاشی صورتحال بہترہورہی ہے،وزیراعظم شہباز شریف
-
سپریم کورٹ کو سب نے مذاق بنایا ہوا ہے،چیف جسٹس کے سماعت کے دوران ریمارکس
-
وزیر اعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہے‘ سعد رفیق
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ، امریکا میں پاکستان کے سفیر مسعود خان کا تقریب سے خطاب
-
لاہور ہائیکورٹ نے فواد چوہدری کو مزید7روز تک گرفتار کرنے سے روک دیا
-
شکار پور ، قبائلی تنازعے پر مسلح افراد کی فائرنگ سے 2خواتین سمیت3افراد جاں بحق
-
یہ تاثر غلط ہے کہ نواز شریف کا وزیراعظم بننے کا راستہ شہباز نے روکا ،سینیٹر عرفان صدیقی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.