روس سے ترجیحی تجارت اور ٹیرف میں کمی پر مذاکرات کا ازسر نو آغاز کریں گے، روس کی زرعی شعبے کی برآمدات 45ارب ڈالر سے زائد ہیں ، روس کیجانب سے یورپی زرعی برآمدات پر پابندی کے نتیجے میں پاکستان کیلئے پھل،سبزیاں اور گوشت برآمد کرنے کے وسیع ترمواقع پیداہوئے ہیں
وزیر تجارت خرم دستگیرکاوفاقی وزیرتحفظ خوراک سکند ر بوسن کے ہمراہ اعلیٰ سطحی اجلاس کی مشترکہ صدارت کے دوان خطاب
جمعرات 20 اگست 2015 22:52
اسلام آباد(اُردو پوائنٹ اخبار تازہ ترین۔ 20 اگست۔2015ء) وفاقی وزیر تجارت انجینئرخرم دستگیرنے کہا ہے کہ روس سے ترجیحی تجارت اور ٹیرف میں کمی پر مذاکرات کا ازسر نو آغاز کریں گے، روس کی زرعی شعبے کی برآمدات 45ارب ڈالر سے زائد ہیں جبکہ روس کی جانب سے یورپی زرعی برآمدات پر پابندی کے نتیجے میں پاکستان کیلئے پھل،سبزیاں اور گوشت برآمد کرنے کے وسیع ترمواقع پیداہوئے ہیں ، جمعرات کووہ یہاں وفاقی وزیرتحفظ خوراک وتحقیق سکندرحیات بوسن کے ہمراہ اعلیٰ سطح کے اجلاس کی مشترکہ طورپرصدارت کررہے تھے۔
انہوں نے کہاکہ پاکستان یوریشئن کسٹمز یونین جس میں روس، قازقستان اور بیلاروس شامل ہیں ، میں شمولیت کیلئے مذاکرات کر رہا ہے ، اس مقصد کیلئے وزیر اعظم نے حال ہی میں روس اور بیلاروس کے دورے کئے ہیں اور آئندہ ماہ وزیر اعظم قازقستان کو دورہ کریں گے جس سے پاکستان کی اس خطے میں تجارتی سرگرمیوں کو خاصی تقویت ملے گی۔(جاری ہے)
اجلاس میں بتایا گیا کہ آئندہ ماہ ٹریڈ ڈویلپمنٹ اتھارٹی 12پاکستانی ایکسپورٹر وں کو روس میں اپنی مصنوعات کی نمائش میں سہولت فراہم کرے گی جس سے پاکستانی مصنوعات کی روس میں تشہیر ممکن ہو سکے گی۔
اجلاس میں تجویز پیش کی گئی کہ روس کے محکمہ قرنطینہ کے حکام کو پاکستان آنے کی دعوت دی جائے تاکہ روسی حکام پاکستان میں گوشت کے پروسیسنگ پلانٹ رجسٹرڈ کر سکیں اور ان پلانٹس سے گوشت بلا روک ٹوک روس برآمد کیا جا سکے۔ یہ بھی درخواست کی گئی کہ ہوائی جہاز کے ذریعے پاکستان سے پھل سبزیاں اور گوشت روس بھجوانے کے اخراجات کافی زیادہ ہیں اس ضمن میں حکومت مدد فراہم کرے اور ملک سے کولڈ سٹوریج کی سہولت سے آراستہ ہوائی سروس کیلئے حکومت خصوصی اقدامات کرے۔اجلاس میں وفاقی وزیرتحفظ خوراک وتحقیق سکندر بوسن کے علاوہ سیکرٹری تجارت شہزاد ارباب، سیکرٹری فوڈ سیکیورٹی سیرت اصغر، چیف ایگزیکٹو ٹریڈ ڈویلپمنٹ اتھارٹی آف پاکستان ایس ایم منیر، ڈائریکٹر جنرل ڈیپارٹمنٹ آف پلانٹ پروٹیکشن ڈاکٹر مبارک علی اور پھلوں، سبزیوں اور گوشت کے برآمد کنندگان کی تنظیموں کے نمائندوں نے بھی شرکت کی۔(را)مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.