دعائیں اور دوائیں اثر دکھانے لگیں ،رشید گوڈیل کی طبیعت میں مزید بہتری آ گئی ، ترجمان لیاقت نیشنل ہسپتال
جمعہ 21 اگست 2015 16:00
کراچی(اُردو پوائنٹ اخبار تازہ ترین۔ 21 اگست۔2015ء)لیاقت نیشنل اسپتال میں داخل ایم کیوایم کے رہنما رشید گوڈیل کی حالت بہتر ہونا شروع ہوگئی ہے۔ دعا ئیں اور دوا ئیں اپنا اثر دکھانے لگی ہیں۔ترجمان لیاقت نیشنل اسپتال انجم رضوی نے میڈیا سے بات چیت کرتے ہوئے بتایا کہ رشید گوڈیل کا بلڈ پریشراوردل کی دھڑکن نارمل ہے اور ان کی حالت مسلسل بہترہورہی ہے تاہم جب تک وہ آئی سی یو میں ہیں انہیں خطرے سے باہرنہیں کہا جاسکتا جب کہ مزید 3 سے 4 روز انہیں آئی سی یو میں ہی رکھا جائے گا۔
ڈاکٹرز کے مطابق رشید گوڈیل کو آزمائشی طور پر وینٹی لیٹر سے ہٹایا گیا ہے۔ 24 گھنٹے گزرنے کے بعد رشید گوڈیل کو وینٹی لیٹر کی ضرورت نہیں پڑی ہے۔ انہوں نے کہا کہ ڈاکٹرسلمان فریدی کی سربراہی میں 18 رکنی میڈیکل پینل نے رشید گوڈیل کا معائنہ کیا اور اب بھی ان کی پسلی میں ایک گولی موجود ہے تاہم ان کی حالت اس قابل نہیں کہ آپریشن کیا جائے۔(جاری ہے)
ترجمان کا کہنا تھا کہ رشید گوڈیل نے پلکیں جھپکا کر اشارہ کیا اور اہلخانہ کو پہنچانا جس سے یہ بات ثابت ہوتی ہے کہ ان کی یادداشت بھی ہے اور وہ پہنچاننے کی صلاحیت بھی رکھتے ہیں تاہم وہ ابھی کسی بھی قسم کا بیان دینے کی پوزیشن میں نہیں ہیں جب کہ ڈاکٹرزنے فیصلہ کیا ہے کہ انہیں آئندہ 12 سے 16 گھنٹے وینٹی لیٹرکے بغیررکھا جائے گا۔
تاہم اگلے 24 گھنٹے رشید گوڈیل کی صحت کے حوالے سے مزید اہم ہیں۔دوسری جانب پولیس کے محکمہ انسداد دہشت گردی کے انچارج راجہ عمر خطاب نے کہا ہے کہ رشید گوڈیل کی طبعیت ایسی نہیں کہ وہ کوئی بیان دے سکیں ۔چند لمحوں کی فوٹیج سے صورت حال واضح نہیں ہورہی ہے ۔انہوں نے کہا کہ رشید گوڈیل پر حملہ سائلنسر لگی پستول سے کیا گیا ہے ۔2موٹرسائیکل سواروں نے رشید گوڈیل کی چلتی گاڑی پر فائرنگ کی ۔ساری کارروائی 10سے 15منٹ میں ہوئی ۔حملہ آور شہید ملت روڈ کی عقبی گلی سے آئے تھے ۔انہوں نے مزید کہا کہ رشید گوڈیل پر حملے کی تحقیقات جاری ہیں ۔حملے میں کون سا گروپ ملوث ہے اس کی تحقیقات کررہے ہیں ۔مزید اہم خبریں
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
کل ہمارے یوم تاسیس پر پولیس کیک بھی اٹھا کر لے گئی تھی،بیر سٹر گوہر
-
پاکستانی کمپنی کو یو اے ای کی کمپنی سے بڑا آرڈر مل گیا
-
جوڈیشل عدالت نے محمود خان اچکزئی کے ناقابل ضمانت وارنٹ گرفتاری جاری کر دئیے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.