سلمان بٹ ، محمدآصف نے باقاعدہ طور پر ٹریننگ کا آغاز کردیا

ہفتہ 22 اگست 2015 12:56

لاہور (اردو پوائنٹ تازہ ترین اخبار22اگست۔2015ء) سپاٹ فکسنگ میں پابندی کے شکار پاکستانی کھلاڑی فاسٹ بولر محمد آصف اور بیٹسمین سلمان بٹ نے 2 ستمبر کو آئی سی سی کی جانب سے ختم ہونے والی پابندی سے قبل خود کو فٹ رکھنے کے لئے پریکٹس شروع کردی ۔ دونوں کھلاڑیوں نے باقاعدہ ٹریننگ کا آغاز کردیا ۔ سلمان بٹ نے ایل سی سی اے گراؤنڈ پر جبکہ محمد آصف نے ماڈل ٹاؤن گراؤنڈ میں تر بیت شروع کردی ۔

(جاری ہے)

سلمان بٹ کے ایل سی سی اے گراؤنڈ میں پہنچنے پر نوجوان کھلاڑیوں نے ان کا استقبال کیا اور مٹھائی تقسیم کی ۔ ٹریننگ سیشن کے دوران انہوں نے ابتدائی روزفزیکل فٹنس اور فیلڈنگ پریکٹس پر زور دیااور بیٹنگ پریکٹس بھی کی ۔ سلمان بٹ اور محمد آصف انٹرنیشنل کرکٹ کونسل کے اینٹی کرپشن یونٹ کی جانب سے آفیشل کلیئرنس کے بعد باقاعدہ ڈومیسٹک کرکٹ میں حصہ لے سکیں گے ۔ دونوں کھلاڑیوں کا کہنا ہے کہ ڈومیسٹک سیزن میں اچھا پرفارم کرنے کے بعد ٹیم میں جگہ بنانے کی کوشش کریں گے ۔

Facebook Twitter Google + Share on Whatsapp

سلمان بٹ ، محمدآصف نے باقاعدہ طور پر ٹریننگ کا آغاز کردیا

مزید کھیلوں کی خبریں