بھارتی عزائم کھل کر سامنے آ گئے ہیں،ل ڈاکٹر محمد امجد
چودھراہٹ قائم کرنے کی بجائے خطے کے ممالک کے دل جیتنے چاہئیں، سیکرٹری جنرل آل پاکستان مسلم لیگ
پیر 24 اگست 2015 19:21
اسلام آباد (اُردو پوائنٹ اخبار تازہ ترین۔ 24 اگست۔2015ء ) آل پاکستان مسلم لیگ (APML)کے مرکزی سیکرٹری جنرل ڈاکٹر محمد امجد نے کہا ہے کہ بھارت کی طرف سے مذاکرات کے انکار سے بھارتی عزائم کھل کر سامنے آ گئے ہیں،بھارت کبھی بھی مثبت اور نتیجہ خیزمذاکرات کے لئے دل سے تیار نہیں ہوا،اب وقت بدل چکا ہے ،بھارت کودھونس کے ذریعے چودھراہٹ قائم کرنے کی بجائے خطے کے ممالک کے دل جیتنے چاہئیں،بھارت کی طرف سے سرحدی خلاف ورزیاں ناقابل برداشت ہیں،افغانستان سے پاکستانی علاقے میں میزائل حملہ کی بھرپور مذمت کرتے ہیں۔
کوئی خوش فہمی میں نہ رہے،افواج پاکستان وطن کی سرحدوں کی حفاظت کرنا جانتی ہیں۔ان خیالات کا اظہار انہوں نے پیر کوپارٹی کے سینٹرل سیکرٹریٹ میں پارٹی راہنماؤں سے ایک ملاقات کے دوران گفتگومیں کیا۔(جاری ہے)
انہوں نے کہا کہ بھارت خطے کے ممالک کے ساتھ برادرانہ اور دوستانہ تعلقات قائم کرنے کی بجائے رعب اور دبدبہ قائم کرکے اپنی بالادستی قائم کرنا چاہتا ہے مگر اس کا یہ خواب کبھی شرمندہ تعبیر نہیں ہوسکے گا۔
طے شدہ مذاکرات سے انکار کر کے بھارت نے اپنا اصل روپ دنیا کو دکھا دیا ہے۔سب جانتے ہیں کہ پاک بھارت تعلقات کی بہتری کے لئے مسئلہ ء کشمیر کا حل ناگزیر ہے ایسے میں بھارت کی طرف سے مسئلہ کشمیر کو مذاکرات کا ایجنڈا نہ بنانے کی شرط ناقابل فہم ہے۔ انہوں نے کہا کہ بھارتی رویے سے صاف ظاہر ہوتا ہے کہ وہ پاکستان سے بہتر تعلقات کے قیام کا خواہاں نہیں ہے۔انہوں نے آئے روز پاکستانی سرحدوں پر بھارتی افواج کی طرف سے گولہ باری پر شدیدالفاظ میں تنقید کی ۔انہوں نے گزشتہ روز افغانستان کی طرف سے پاکستانی علاقے میں میزائل حملے کی بھی بھرپور مذمت کی۔اے پی ایم ایل کے راہنما نے خبردارکیا کہ قیام امن کی ہماری خواہش کو کمزوری نہ سمجھا جائے۔افواج پاکستان دنیا کی بہترین فوج ہیں جو کسی بھی جارحیت کا منہ توڑ جواب دینے کی بھرپور صلاحیت رکھتی ہیں۔مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.