بھارت میں پیاز پر سیاست ہوتی ہے، حکومتیں گر جاتی ہیں اور حکومت کچھ نہیں کر پاتی ،رپورٹ
منگل 25 اگست 2015 11:09
نئی دہلی (اُردو پوائنٹ اخبار تازہ ترین۔ 25 اگست۔2015ء) بھارت میں پیاز پر سیاست ہوتی ہے، حکومتیں گر جاتی ہیں اور ذخیرہ اندوزی کے الزام سے گھرے تاجروں اور سیاست دانوں کے کٹھ جوڑ کے باوجود حکومت کچھ نہیں کر پاتی اور تقریباً ہر سال اسی وقت اس کے دام بڑھ جاتے ہیں۔ایک میڈیا رپورٹ کے مطابق پیاز ہندوستان کے سب سے سیکولر کھانوں میں سے ایک ہے۔ اس کو ہندو بھی اتنے ہی شوق سے کھاتے ہیں جتنے کہ مسلمان۔
اس کا ذائقہ سبزی خور بھی لیتے ہیں اور گوشت خور بھی۔پیاز اگر کچن کے اندر آنسو بہانے پر مجبور کر دیتا ہے تو حکومتوں کے پسینے بھی چھڑا دینے کی صلاحیت رکھتا ہے۔کہا جاتا ہے کہ ایمرجنسی کے بعد جنتا پارٹی کی حکومت پیاز کی بڑھتی ہوئی قیمت پر قابو نہ پا سکی، جس کا اندرا گاندھی نے خوب فائدہ اٹھایا اور 1980 میں انتخابات میں کامیابی کے بعد اقتدار دوبارہ حاصل کر لیا۔(جاری ہے)
سمجھا یہ جاتا ہے کہ پیاز غریبوں کا اناج ہے۔راجیو منیار نوی ممبئی میں پیاز اور آلو کے کاروبار سے منسلک ہیں۔
وہ پیاز اور آلو کے تجارت کی تنظیم کے اعزازی سیکرٹری ہیں۔ وہ کہتے ہیں پیاز کی اہمیت بڑھانے کی میڈیا ذمہ دار ہے۔ وہ کہتے ہیں کہ پیاز کی قیمت بڑھنے پر میڈیا لوگوں میں خوف و ہراس پھیلا دیتا ہے جس سے عام صارفین زیادہ قیمت پر پیاز خریدنے پر مجبور ہو جاتا ہے۔ راجیو منیار سوال اٹھاتے ہیں، ’اتر پردیش میں آلو کے تاجر فصل برباد ہونے سے پریشان ہیں۔ میڈیا نے اس پر کچھ کیوں نہیں کہا؟پیاز آلو سے کہیں زیادہ حساس ہے، یہ جلد خراب ہو جاتا ہے اور اسے زیادہ وقت تک ذخیرہ نہیں کیا جا سکتا۔عام خیال یہ ہے کہ پیاز کی قیمت اسی وقت بڑھتی ہے جب تھوک فروش ذخیرہ اندوزی پر آمادہ ہو جاتے ہیں۔ لیکن سچ کیا ہے؟تاجر راجیو منیار کہتے ہیں کہ ذخیرہ اندوزی کا الزام غلط ہے۔ ’پیاز منڈی میں صبح آتا ہے اور شام تک فروخت جاتا ہے. آپ گودام دیکھ آئیں۔ وہاں پیاز نہیں ہے۔ ذخیرہ اندوزی ممکن نہیں۔‘ ان کے مطابق حکومت ایسا سوچتی ہے لیکن یہ صحیح نہیں ہیں۔ پیاز آلو سے کہیں زیادہ حساس ہے، یہ جلد خراب ہو جاتا ہے اور اسے زیادہ وقت تک ذخیرہ نہیں کیا جا سکتا۔کسان کارکن گردھر پاٹل کہتے ہیں اس کے ذمہ دار صرف تھوک فروش ہیں۔ وہ کہتے ہیں کہ اگست، ستمبر میں کسانوں کے پاس کوئی پیاز نہیں ہوتا۔ تمام تاجروں کے پاس ہوتا ہے۔ وہ دام طے کرتے ہیں۔ حکومت کا اس پر کوئی کنٹرول نہیں ہوتا۔گردھر پاٹل مہاراشٹر حکومت کے اتوار کو اٹھائے گئے قدم کی مثال دیتے ہوئے کہتے ہیں کہ جب حکومت نے اپنے افسر گوداموں پر چھاپے مارنے کے لیے ناسک بھیجے تو منڈی میں اچانک پیاز آنے لگے۔ ان کے مطابق پیاز کی قیمتیں بڑھنے کا فائدہ صرف تاجروں کو ہوتا ہے، کسانوں کو نہیں۔ڈاکٹر گپتا کے مطابق پیداوار کی کمی نہیں ہے۔ ربیع کی فصل کی 30 فیصد پیداوار گوداموں میں رکھی جاتی ہے جسے اگست، ستمبر میں منڈیوں میں لایا جاتا ہے۔ ان کے مطابق خریف کی فصل ٹھیک نہیں ہوئی ہے جس کا اثر اکتوبر، نومبر میں ہوگا۔ اس کو ذہن میں رکھتے ہوئے تاجر آہستہ آہستہ پیاز مارکیٹ میں بھیج رہے ہیں جس کی وجہ سے دام بڑھ گیا ہے۔مرکزی حکومت نے 10 ہزار ٹن پیاز درآمد کرنے کا اعلان کیا ہے لیکن اس سے کوئی خاص فائدہ ہونے کا امکان کم ہے۔درآمد کیے گئے پیاز منڈی میں 15 ستمبر تک آ سکیں گے۔ تھوک منڈی میں درآمد کیے گئے ایک کلو پیاز کی قیمت 45 روپے سے کم نہیں ہوگی جو آج فروخت کر رہے پیاز کی قیمت کے برابر ہو گی۔مرکزی حکومت نے 10 ہزار ٹن پیاز درآمد کرنے کا اعلان کیا ہے لیکن اس سے کوئی خاص فائدہ ہونے کا امکان کم ہے ظاہر ہے اس سے کوئی خاص فائدہ نہیں ہوگا۔ ڈاکٹر گپتا کہتے ہیں سوال پیاز کی دستیابی کا نہیں ہے۔ وہ کہتے ہیں، ’پیاز کا سٹاک کافی ہے. اسے منڈی میں میں لانے کی ضرورت ہے۔راجیو منیار کہتے ہیں پیاز کی درآمد نجی طور پر تاجر پہلے سے ہی کر رہے ہیں. منیار کہتے ہیں، ’مصر اور افغانستان سے روز پیاز درآمد ہو رہا ہے۔ درآمد میں تو فائدہ ہے لیکن حکومت نے درآمد کی شرائط اتنی سخت رکھی ہیں کہ اس کا تاجروں کو خاص فائدہ نظر نہیں آتا۔گردھر پاٹل کے مطابق درآمد بڑھنے یا برآمد پر روک لگانے سے صرف ایک مختصر وقت کے لئے فائدہ ہوگا۔ ضرورت اس بات کی ہے کہ حکومت ’کھلا بازار‘ قائم کرے جس میں حکومت کا کوئی کام نہ ہو۔متعلقہ عنوان :
مزید تجارتی خبریں
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.