پاکستان اور بھارت کے کرکٹ روابط کی بحالی میں انٹرنیشنل کرکٹ کونسل کچھ نہیں کر سکتی،ظہیر عباس نے بھی جواب دیدیا
منگل 25 اگست 2015 11:10
لاہور(اُردو پوائنٹ اخبار تازہ ترین۔ 25 اگست۔2015ء ) بین الاقوامی کرکٹ کونسل (آئی سی سی) کے صدر ظہیر عباس نے واضح کیا ہے کہ پاکستان اور بھارت کے کرکٹ روابط کی بحالی میں انٹرنیشنل کرکٹ کونسل کچھ نہیں کر سکتی کیونکہ یہ دوطرفہ معاملہ ہے۔ میڈیا سے بات کرتے ہوئے انہوں نے کہا کہ پاک بھارت کرکٹ سیریز کا فیصلہ کرنا دونوں ملکوں کا کام ہے، اگر یہ دونوں ملک کھیلنے کا فیصلہ کریں گے تو سیریز ہوجائے گی لیکن اس ضمن میں آئی سی سی کچھ نہیں کر سکتی۔
انھوں نے کہا کہ تعلقات میں بہتری اچانک نہیں ہو جاتی، انھیں معمول پر آنے میں وقت لگتا ہے۔ تاہم کرکٹ کے فروغ کے لیے ضروری ہے کہ پڑوسی ملک ایک دوسرے کے ساتھ کھیلیں۔ پاکستان اور بھارت کے درمیان ہونے والی کرکٹ پر دنیا بھر کی نظریں رہتی ہیں اور یہ کرکٹ ہونی چاہیے۔(جاری ہے)
اس سے قبل غیرملکی میڈیا سے بات کرتے ہوئے پاکستان کرکٹ بورڈ کے چیئرمین شہریار خان نے کہا تھا کہ پاک بھارت مذاکرات کی منسوخی کے نتیجے میں دونوں ملکوں کے درمیان کرکٹ سیریز کے امکانات بہت کم رہ گئے ہیں۔
شہریار خان کا کہنا تھا کہ اگر دونوں ممالک کے درمیان مذاکرات ہو جاتے تو پھر شاید ماحول بہتر ہو جاتا اور کرکٹ روابط کی بحالی بھی ہو سکتی تھی لیکن مذاکرات کی منسوخی نے کرکٹ سیریز کی امیدوں کو بھی کم کر دیا ہے۔پاکستان میں بین الاقوامی کرکٹ کی بحالی کے بارے میں ظہیرعباس نے کہا کہ جب یہاں حالات بہتر ہوتے چلے جائیں گے تو یقیناً غیرملکی ٹیمیں پاکستان کے دورے پر آئیں گی۔سپاٹ فکسنگ میں سزایافتہ کرکٹروں کی پاکستانی ٹیم میں واپسی کے بارے میں ظہیر عباس نے کہا کہ اس کا انحصار پاکستان کرکٹ بورڈ پر ہے کہ وہ اس بارے میں کیا فیصلہ کرتا ہے۔مزید کھیلوں کی خبریں
-
انگلش پریمیئر لیگ کے دلچسپ مقابلے جاری،27اپریل کو مزید 6 میچوں کا فیصلہ ہوگا
-
صائم ایوب کو بطور ٹی ٹونٹی اوپنر کھلانا میری نظر میں مسئلے کا حل تھا : محمد حفیظ
-
محمد حفیظ نے غیرملکی کوچز کی تقرری پر سوال اٹھا دیئے
-
اہم کھلاڑی نہیں کھیلتے تو فرق پڑتا ہے، فخر زمان
-
بے سہارا بچوں نے بھی اسٹیڈیم میں پاک نیوزی لینڈ چوتھا ٹی ٹوئنٹی میچ دیکھا، محسن نقوی سے ملاقات
-
بابر اعظم اور محمد رضوان اچھے کھلاڑی ہیں ،پوری ٹیم نہیں، محمد حفیظ
-
ارشد ندیم جنوبی افریقا میں سخت ٹریننگ کے مرحلے میں داخل
-
ایوریج ٹیم کیخلاف شکست، رمیز راجا نے تبدیلوں کو ’’نام نہاد تجربہ‘‘ قرار دیدیا
-
وقار یونس نے ٹی ٹونٹی ورلڈ کپ کے لیے اپنی پاکستانی سکواڈ کا اعلان کر دیا
-
قطر جونیئر سکواش ، پاکستان نے دو چاندی کے تمغے اپنے نام کر لیے
-
کھلاڑی کو بغیر بتائے پوزیشن تبدیل کرنے سے فرق پڑتا ہے : فخر زمان
-
بابر اعظم نے نیوزی لینڈ سے شکست کا ذمہ دار بیٹرز کو قرار دیدیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.