اقتصادی راہداری؛ 120 کلو میٹر کے لیے 3چینی کمپنیوں کی مہنگی ترین بولی
منگل 25 اگست 2015 13:36
اسلام آباد(اُردو پوائنٹ اخبار تازہ ترین۔ 25 اگست۔2015ء) چین کی 3 کمپنیوں نے شاہراہ قراقرم کا حویلیاں سے تھاکوٹ 120 کلومیٹر حصہ بنانے کیلیے نظرثانی شدہ پی سی ون کی نسبت زیادہ قیمت کی بولیاں جمع کرائی ہیں۔این ایچ اے کے نظرثانی شدہ پی سی ون کے مطابق یہ سڑک84 ارب روپے کی لاگت سے مکمل کی جانا ہے جبکہ پہلے پی سی ون میں یہ لاگت 90ارب روپے تھی۔ یہ سڑک چین پاکستان اقتصادی راہداری کاحصہ ہے جوچین نے تعمیرکرنی ہے۔
دلچسپ امر یہ ہے کہ تینوں چینی کمپنیوں نے نظرثانی شدہ پی سی ون کی نسبت کئی گنا زیادہ مہنگی بولی دی ہے۔ذرائع نے نام ظاہر نہ کرنے کی شرط پر بتایا کہ چائنہ اسٹیٹ انجینئرنگ نے214 ارب روپے،چائنہ کارپوریشن نے 225 ارب روپے اورچائنہ کمیونیکیشن نے 192ارب روپے کی بولی دی ہے۔(جاری ہے)
چین کے ساتھ معاہدے کے تحت چین پاکستان اقتصادی راہداری منصوبوں کا زیادہ حصہ چینی کمپنیوں نے پورا کرنا ہے جس کے لیے چین کا ایگزم بینک رقم فراہم کرے گا۔
انجینئرنگ،پروکیورمنٹ اورکنسٹرکشن (ای پی سی)اسکیم کے تحت منصوبے چینی قرضے سے مکمل ہونگے،حکومت پاکستان چینی ایگزم بینک کو90فیصد ادائیگی امریکی ڈالرمیں جبکہ 10فیصد مقامی کرنسی میں کرے گی۔ذرائع کے مطابق اگر این ایچ اے نے چینی کمپنیوں کی پیشکش قبول کرلی توحکومت پاکستان کونظرثانی شدہ پی سی ون کے تخمنیہ لاگت سے بہت زیادہ رقم واپس کرنا ہوگی۔ان ذرائع کاموقف ہے کہ وزارت مواصلات اور نہ این ایچ اے نے اب تک یہ وضاحت نہیں کی کہ چینی کمپینوں کی مہنگی پیشکشوں کوکیوں قبول کیا گیااورکسی پاکستانی کمپنی کوبولی میں حصہ لینے کی اجازت کیوں نہیں دی گئی جو ممکنہ طور پرتخمیہ لاگت سے بھی کم ہوسکتی تھی۔ وزارت مواصلات کے ذرائع نے بتایا کہ ابھی صورتحال واضح نہیں ہے۔وزارت کے سیکریٹری شاہداشرف تارڑجواین ایچ اے کے سربراہ بھی ہیں اس منصوبے کے حوالے سے حتمی فیصلہ کرینگے۔ذرائع کے مطابق اگراین ایچ اے کاکل وقتی چیئرمین ہوتا تومعاملات اس قدرخراب نہ ہوتے کیونکہ چین پاکستان اقتصادی راہداری منصوبوں کواولین ترجیح ملنے کے بعد سیکریٹری مواصلات پرکام کا بہت زیادہ بوجھ ہے۔دوسری طرف ماہرین کاخیال ہے کہ اگرچینی کمپنیوں کوزیادہ نرخوں پر اس طرح کے اہم منصوبے دیے گئے تواس کی قیمت ملک کوہی اداکرنا ہوگی اور پاکستان پر قرضوں کا بوجھ مزید بڑھ جائے گا۔حکومت کواعلیٰ سطح پرمعاملے کاجائزہ لینا ہوگا اورقومی خزانے کونقصان سے بچانے کے لیے اقدامات کرناہوں گے۔مزید اہم خبریں
-
سپریم کورٹ کا تمام عمارتوں اور سڑکوں سے رکاوٹیں و تجاوزات ہٹانے کا حکم
-
ملالہ کی اسرائیل کی مذمت، غزہ کی حمایت کا اعادہ
-
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
-
خدشات ہیں شبِ برات پر بشری بی بی کے کھانے میں زہر ملایا گیا،مشال یوسف زئی
-
چیف جسٹس قاضی فائز عیسیٰ نے پروٹوکول واپس کردیا
-
شیرافضل مروت کی قصورمیں درج مقدمے میں حفاظتی ضمانت منظور
-
2023میں پاکستان کو 2 ارب 35 کروڑ ڈالرز فراہم کیے، ایشیائی ترقیاتی بینک
-
پولیس یونیفارم پہننا جرم ہے جس کی قانون میں سزا ہے،یاسمین راشد
-
سرکاری ادارے ملازمین کو پال رہے، ان کو بٹھا کر تنخواہیں دی جارہی ہیں، چیف جسٹس
-
عدالت نے عمران خان و بشریٰ بی بی کو ریاستی اداروں اور آفیشلز کیخلاف بیان دینے سے روک دیا
-
نواز شریف ملکی مفاد کی خاطرعمران خان سے بات چیت کیلئے تیار ہیں،رانا ثناءاللہ
-
پولیس وردی پہننے پر مریم نواز کیخلاف مقدمہ درج کرنے کی درخواست دائر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.