ایس ای سی پی نے نان لائف انشورنس کمپنیوں کیلئے ادا شدہ سرمائے کی حد بڑھا کر50 کروڑ اورلائف انشورنس کمپنیوں کے لئے 70کروڑ روپے کر دی
منگل 25 اگست 2015 17:57
اسلام آ باد (اُردو پوائنٹ اخبار تازہ ترین۔ 25 اگست۔2015ء ) سیکورٹیز ا ینڈ ایکسچینج کمیشن آف پاکستا ن نے پا لیسی بورڈ کی منظوری کے بعد نان لائف انشورنس کمپنیوں کے لئے ادا شدہ سرمائے کی حد بڑھا کر50 کروڑ روپے جبکہ لائف انشورنس کمپنیوں کے لئے یہ حد بڑھا کر70کروڑ روپے کر دی ۔ منگل کو ایس ای سی پی کے ترجمان سے جاری ایک بیان کے مطابق انشورنس رولز میں ایک نئے قاعدہ کا اضافہ کیا گیا ہے جس کے مطابق انشورنس کمپنیوں کے لئے ادا شدہ سرمائے کی حد میں20کروڑروپے کااضافہ کیاگیا لیکن نئے اضافہ شدہ سر ما ئے کی حد کو مرحلہ وار لا گو کیا جا ئے گا اورا نشو رنس کمپنیوں کوسہولت فراہم کی گئی ہے کہ وہ عرصہ دو سال کی مدت میں، دسمبر2017 تک اس شرط کو پورا کریں۔
انشورنس آردیننس مجریہ2000کے نفاذ کے وقت نان لائف انشورنس کمپنیوں کے لئے کم از کم اداشدہ سرمائے کی حد 8کروڑ روپے اور لائف انشورنس کمپنیوں کے لئے یہ حد پندرہ کروڑ روپے مقرر کی گئی تھی جبکہ 2007میں انشورنس کمپنیوں کے لئے ادا شدہ سرمائے کی حد کو بڑھا کر بالترتیب تیس کروڑ روپے اور پچاس کروڑ روپے کردیا گیا۔(جاری ہے)
ایس ای سی پی کے مطابق 2012انشورنس شعبے میں اصلاحات متعارف کروانے کے لئے ایک انشورنس ریفامز کمیٹی تشکیل دی گئی تھی تاکہ انشورنس انڈسڑی کو درپیش مسائل اور چیلینجوں کا اندازہ لگائے اور اس شعبے کی تر قی کے لیے منا سب اصلاحا ت تجویز کی جائیں۔
اس کمیٹی نے انشورنس سیکٹر کے ریگولیٹری فر یم ورک میں معتدد اصلاحات تجویز کیں جبکہ انشورنس کمپنیوں کے لیے ادا شدہ سرمائے کی کم از کم حد میں اضافے کی بھی سفارش کی۔ انشورنس کمپنیوں کے لئے ادا شدہ سرمائے کی حد میں اضافے سے کمپنیوں کی رسک مینجمنٹ بہتر ہو گی اور انشورنس فراہم کرنے کی حد میں بھی اضافہ ہو گا اور بالوا سطہ طور پر بیمہ کی اقساط ادا کرنے کے لئے بیرون ملک بھیجے جانے والے قیمتی زر مبادلہ کی بھی بچت ہو گی۔متعلقہ عنوان :
مزید تجارتی خبریں
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.