ظہیر خان ، گریم سوان کیریئر کے خطرناک باؤلر تھے ، شکر ہے وسیم اکرم کا صرف نوجوانی میں سامنا کیا، کمار سنگاکارا
منگل 25 اگست 2015 18:38
کولمبو(اُردو پوائنٹ اخبار تازہ ترین۔ 25 اگست۔2015ء)عظیم سری لنکن بلے باز کمار سنگاکارا نے بھارتی فاسٹ باؤلر ظہیر خان اور سابق انگلش اسپنر گریم سوان کو اپنے کیریئر کا سب سے خطرناک باؤلر قرار دیا ہے۔سری لنکا کے خلاف حالیہ سیریز کے ابتدائی دونوں ٹیسٹ میچوں کی چاروں اننگ میں اسپنر روی چندرہ ایشون نے انہیں اپنا شکار بنایا لیکن سنگاکارا کا کہنا ہے کہ 15 سالہ کیریئر میں ان کے نزدیک سب سے خطرناک باؤلر ہندوستان کے ظہیر خان اور سابق انگلش اسپنر گریم سوان تھے۔
اس سوال پر انہیں گزشتہ سالوں میں کن باؤلرز نے سب سے زیادہ چیلنج کیا تو ان کا کہنا تھا کہ اس سیریز میں ایشون نے لیکن اس کے علاوہ ظہیر خان اور گریم سوان نے۔سنگاکارا نے کہا کہ جب بھی میں اس طرح کے باؤلرز کے خلاف کھیلتا تھا تو کبھی کبھار ناکام رہتا تھا لیکن ہمیں اپنے حکمت عملی بہتر بناتے ہوئے اس سے باہر آنا ہوتا ہے۔(جاری ہے)
انہوں نے کہا کہ شکر ہے کہ میں نے وسیم اکرم کا صرف اپنی نوجوانی میں سامنا کیا، انہوں نے مجھے ایک مرتبہ آؤٹ کیا اور ان کا باؤلنگ اسٹائل بہت شاندار تھا، اس طرح کے کرکٹرز کے خلاف کھیلنا بہت بڑا چیلنج تھا۔
واضح رہے کہ سنگاکارا ہندوستان کے خلاف کولمبو میں کھیلے گئے دوسرے ٹیسٹ میچ کے بعد عالمی کرکٹ سے ریٹائر ہو گئے ہیں جہاں ان کی ٹیم کو میچ میں بدترین شکست کا سامنا کرنا پڑا۔انہوں نے شاندار کیریئر کے دوران 134 ٹیسٹ میچوں میں 57.4 کی بہترین اوسط سے 12 ہزار 400 رنز اسکور کیے۔اپنے دور کے عظیم ترین بلے باز تصور کیے جانے والے سری لنکن کھلاڑی کا اکثر آسٹریلین بلے باز ڈان بریڈ مین سے موازنہ کیا جاتا رہا خصوصاً ان کے بچپن کے کوچ اس بات پر مصر رہے لیکن سنگاکرا نے اسے ایک مذاق قرار دیا۔انہوں نے کہا کہ میرے کوچ یقیناً مذاق کر رہے ہوں گے، میں نے بریڈ مین کی ویڈیو دیکھی ہیں اور وہ سب سے برتر تھے۔مزید کھیلوں کی خبریں
-
انٹرنیشنل کرکٹ میں شکست کو سرپرائز نہیں کہہ سکتے، شاداب خان
-
ٹی 20 سیریز:پاکستان اور ویسٹ انڈیز کی ٹیمیں جمعہ کومدمقابل ہوں گی
-
پاکستان ماسٹرٹین پن بالنگ چیمپئن شپ 27 اپریل سے راولپنڈی میں شروع ہوگا
-
دوپاکستانی بھائی قطر انٹرنیشنل جونیئر اسکواش چیمپئن شپ کے ناک آٹ مرحلے میں پہنچ گئے
-
چیمپئیزٹرافی 2025 ؛ بھارتی میڈیا پاکستان مخالف مخالف مہم چلانے میں سرگرم
-
اعظم خان اور محمد رضوان کے بعد ایک اور پاکستانی کھلاڑی زخمی ہو گیا
-
کیٹرینا سینیاکووا میڈرڈ اوپن ٹینس ویمنز سنگلز کےابتدائی رائونڈ میں ہار کر باہر ہوگئیں
-
پاکستان ماسٹرٹین پن باؤلنگ چیمپئن شپ 27 اپریل سے راولپنڈی میں شروع ہوگی
-
دوپاکستانی بھائی قطر انٹرنیشنل جونیئر اسکواش چیمپئن شپ کے ناک آؤٹ مرحلے میں پہنچ گئے
-
پاکستان اورنیوزی لینڈ کی کرکٹ ٹیموں کے درمیان چوتھا ٹی20 میچ (کل) قذافی سٹیڈیم لاہورمیں کھیلا جائے گا
-
پاکستان اور ویسٹ انڈیز کی کرکٹ ویمن ٹیموں کے درمیان پانچ ٹی ٹونٹی میچو کی سیریز کا آغاز 26 اپریل کو ہوگا
-
کیا عماد وسیم چوتھا ٹی ٹونٹی انٹرنیشنل کھیلیں گے؟
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.