سوناکشی سہنا کی برسوں کی خواہش آخر کار پوری ہوگئی

سوناکشی سہنا نے ڈانسنگ کوئن مادھوری کے ساتھ’ ’ڈولہ رے ڈولہ“ گانے پر پرفارم کیا

بدھ 26 اگست 2015 11:28

سوناکشی سہنا کی برسوں کی خواہش آخر کار پوری ہوگئی

سان فرانسسکو(اُردو پوائنٹ اخبار تازہ ترین۔ 26 اگست۔2015ء) بالی ووڈ اداکارہ اور دبنگ گرل سے شہرت حاصل کرنے والی سوناکشی سہنا کی برسوں کی خواہش پوری ہوگئی۔دبنگ گرل ان دنوں اداکار اکشے کمار اور پربھودیوا کے ساتھ فیشن ٹور کے سلسلہ میں سن فرانسسکو میں موجود ہیں۔

(جاری ہے)

سماجی رابطے کی ویب سائٹ ٹوئٹر پر اپنے ٹوئٹ میں ادکارہ سوناکشی سہنا کا کہنا تھا کہ ان کی بالی ووڈ ڈانسنگ کوئن مادھوری کے ساتھ پرفارم کرنے کی خواہش پوری ہوگئی ہے۔

بالی ووڈ اداکارہ سوناکشی سہنا نے ڈانسنگ کوئن مادھوری کے ساتھ ’ڈولہ رے ڈولہ‘ گانے پر پرفارم کیا۔یہ بات اداکارہ نے ٹویٹر پر اپنے ایک پیغام میں کہی اور ساتھ ہی ان کے ساتھ بنائی گئی اپنی تصویر بھی شیئر کی جبکہ انہوں نے مادھوری ،اکشے کمار اور پربھودیوا کے ساتھ ڈانس کی تصویر بھی شیئر کی۔