طارق فاطمی سے چینی ڈائریکٹر جنرل برائے خارجہ سکیورٹی امور کی ملاقات
جمعہ 28 اگست 2015 12:49
اسلام آباد (اُردو پوائنٹ اخبار تازہ ترین۔ 28 اگست۔2015ء) پاکستان اور چین نے انسداد دہشت گردی کے شعبے میں جاری تعاون پر اطمینان کا اظہار کرتے ہوئے دہشت گردی کی تمام شکلوں اور صورتوں کو جڑ سے اکھاڑ پھینکنے کے عزم کا اعادہ کیا ہے جبکہ چین نے دہشتگردی کی لعنت کا مقابلہ کرنے کیلئے پاکستان کی قربانیاں اور کردار کو سراہا ہے-دفتر خارجہ سے جاری بیان کے مطابق وزیراعظم کے معاون خصوصی برائے خارجہ امور طارق فاطمی سے چینی وزارت خارجہ امور کے ڈائریکٹر جنرل محکمہ خارجہ سکیورٹی امور لیوگوان گیان نے جمعہ کو دفتر خارجہ میں ملاقات کی-چینی عہدیدار کا خیر مقدم کرتے ہوئے وزیراعظم کے معاون خصوصی نے پاکستان اور چین کے تعلقات کی تاریخی برادرانہ نوعیت کا حوالہ دیتے ہوئے دونوں ممالک کے تعلقات کے فروغ کے عزم کا اظہار کیا-انہوں نے دہشت گردی کی تمام شکلوں اور صورتوں کو جڑ سے اکھاڑ پھینکنے کے غیر متزلزل حکومتی عزم کا اعادہ کیا -انہوں نے اس موقع پر پاکستان کی مسلح افواج کے افسروں اور جوانوں اور قانون نافذ کرنے والے اداروں کے اہلکاروں کی طرف سے دہشت گردی کے خلاف جنگ میں دی گئی قربانیوں کے بارے میں بھی بتایا-طارق فاطمی نے چینی مہمان کو عسکریت پسندوں اور دہشت گردوں کے خلاف جاری آپریشن ضرب عضب میں حاصل ہونے والی غیر معمولی کامیابیوں سے متعلق بھی بریفنگ دی-چینی ڈائریکٹر جنرل برائے خارجہ سکیورٹی امور نے پاکستان کی جانب سے دہشت گردی کی لعنت کا مقابلہ کرنے کیلئے پاکستان کی جانب سے دی جا رہی قربانیوں اور اہم کردار کو سراہا-انہوں نے پاکستان اور چین کے درمیان انسداد دہشت گردی کے شعبے میں جاری تعاون پر اطمینان کا اظہار کیا-
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.