سی ڈی اے ملازمین کے حقوق ومراعات کو قانونی تحفظ فراہم کیا جائے ،چوہدری محمد یاسین
بلدیاتی نظام کیخلاف نہیں ،محکمے ومحنت کشوں کی تقسیم پر تحفظات ہیں ،اورنگزیب خان
جمعہ 28 اگست 2015 19:55
اسلام آباد (اُردو پوائنٹ اخبار تازہ ترین۔ 28 اگست۔2015ء) سی ڈی اے مزدور یونین (سی بی اے ) کے جنرل سیکرٹری چوہدری محمد یاسین ،صدراورنگزیب خان ،چیئرمین راجہ شاکر زمان کیانی نے مرکزی یونین آفس میں مزدور یونین کی مجلس شوریٰ کے اراکین سے خطاب کیا ،مقررین نے اپنے خطاب میں کہا کہ ایک بار پھر اسلام آباد میں بلدیاتی انتخابات کے لیے شیڈول کا اعلان کیا گیا ہے لیکن اب تک سی ڈی اے محنت کشوں کو ملنے والے حقوق ومراعات کو کسی سطح پر کوئی تحفظ فراہم نہیں کیا گیا بلکہ سی ڈی اے ملازمین ومحکمے کا مستقبل صرف ایک سوالیہ نشان بن کر رہ گیا ہے ،ہم بلدیاتی انتخابات کے خلاف نہیں بلکہ شروع دن سے سی ڈ ی اے مزدور یونین بلدیاتی انتخابات کا خیر مقدم کرتی چلی آئی ہے کیونکہ ہم جمہوری لوگ ہیں اور جمہوریت کو پھلتا پھولتا دیکھنا چاہتے ہیں مگر ہمارا موقف پہلے دن سے واضح رہا ہے کہ بلدیاتی نظام کی آڑ میں سی ڈی اے کے محکمے اور ملازمین کو تقسیم نہ کیا جائے اور سی ڈی اے میں کام کرنے والے تمام تر لوگوں کو کرپٹ نہ سمجھا جائے ،ایماندار اور فرض شناس لوگوں کی بھی یہاں کوئی کمی نہیں یہی وجہ ہے کہ اسلام آباد دنیا کے خوبصورت ترین دارلحکومتوں میں شمار ہوتا ہے اور چند غلط لوگوں کی پالیسوں کی سزا ہزاروں محنت کشوں کو نہ دی جائے ،سی ڈی اے مزدور یونین نے اپنی مثبت پالیسی کے تحت آج تک سی ڈی اے محنت کشوں کے بلدیاتی نظام کے بارے میں خدشات و تحفظات اور حقوق ومراعات کو قانونی تحفظ نہ حاصل ہونے جیسے مسائل کو میڈیا ،عدلیہ ،سیاستدانوں ،ارکان پارلیمنٹ ،حکومتی و اپوزیشن رہنماؤں تک اپنا موقف جمہوری انداز میں پہنچایا لیکن لگتا ہے کہ کچھ عناصر سی ڈی اے کے محنت کشوں کو سڑکوں پر آنے پر مجبور کر رہے ہیں سی ڈی اے مزدور یونین ملازمین کی واحد نمائندہ تنظیم ہے جس کی پہچان بین الاقوامی سطح پر جانی جاتی ہے اور جسے مسلسل تین مرتبہ سی ڈی اے ملازمین نے اپنے حقوق کے حصول و تحفظ کی خاطر منتخب کیا ،ہمارا جینا مرنا سی ڈی اے کے محنت کشوں اور انکے بچوں کے مستقبل کو محفوظ کرنے کے لیے ہے ہم کسی طور پر بھی اپنے محنت کش کے حقوق پر نہ کسی کو ڈاکہ ڈالنے دیں گے نہ کوئی سودے بازی کریں گے چاہے اس مقصد کی خاطر ہماری جان ہی کیوں نہ چلی جائے ،ہم نے جمہوری انداز میں اپنا موقف ہر سطح تک پہنچایا لیکن افسوس ہے کہ اب تک کسی نے بھی ہزاروں محنت کشوں کے مستقبل کو تاریک ہونے سے بچانے کے لیے کوئی بھی مثبت قدم نہ اٹھایا مگر ہم اپنے محنت کشوں کو کسی صورت تنہا نہیں چھوڑ سکتے اور وقت آنے پر دیگر لاکھوں مزدوروں کے ہمراہ پارلیمنٹ کا گھیراؤ کرنے سے بھی گریز نہیں کریں گے ،ہمارا سی ڈی اے انتظامیہ سے بھی بھرپور مطالبہ ہے کہ سی ڈی اے مزدور یونین سے کیے گئے طے شدہ معاہدوں اور مطالبات پر عمل درآمد کو یقینی بنائے ،ڈیلی ویجز اور اوور ایج ملازمین کو پالیسی کے تحت ریگولر کیا جائے اور سی ڈی اے ملازمین کے بچوں کو ترجیح بنیادوں پر بھرتی کیا جائے اور اگر ایسا نہ ہوا تو سی ڈی اے مزدور یونین بہت جلد احتجاج کی کال دینے پر مجبور ہو گی ،مزدور یونین سی ڈی اے محنت کشوں کے حقوق و تحفظ کی جدوجہد ہر حال میں جاری رکھے گی ۔
متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.