ریاض،پچیس سے سال بچھڑی ماں اور اس کی بیٹی کو آپس میں ملا دیا گیا
اڑھائی عشرے گذرنے کے بعد والدہ اور بیٹی دونوں ایک دوسرے کو پہچاننے سے بھی قاصر تھیں،جب پہچانا تو آنسو نکل آئے
اتوار 30 اگست 2015 11:11
ریاض(اُردو پوائنٹ اخبار تازہ ترین۔ 30 اگست۔2015ء)سعودی عرب میں عائلی مسائل کے حل میں مدد فراہم کرنے والے ادارے کے توسط سے پچیس سے سال بچھڑی ماں اور اس کی بیٹی کو آپس میں ملا دیا گیا۔عرب میڈیا کے مطابق اپنی ماں سے ملاقات سے پچیس سال سے محروم لڑکی کے ایک قریبی عزیز نے الاحساء شہر میں فیملی ڈویلپمنٹ سینٹر میں رابطہ کیا۔ جس کے نتیجے میں ادارے نے ناراض میاں بیوی کو آپس میں ملا دیا اور باپ کے پاس موجود بیٹی کو پچیس سال بعد اپنی والدہ سے ملاقات کا موقع ملا۔
اڑھائی عشرے گذرنے کے بعد والدہ اور بیٹی دونوں ایک دوسرے کو پہچاننے سے بھی قاصر تھیں مگر اصلاح سینٹر کی مصالحتی مساعی کے نتیجے میں ان کے ملاپ نے جذباتی مناظر پیدا کردیے تھے۔ بیٹی کو دیکھتے ہی مامتا کی آنکھوں سے خوشی کے آنسو رواں ہوگئے۔(جاری ہے)
خیال رہے کہ سعودی عرب میں فیملی کونسلنگ سینٹر میں خاندانوں، قرابت داروں اور دیگر شہریوں کے درمیان پائے جانے والے اختلافات کو خوش اسلوبی سے دور کرنے کی بھرپور مدد فراہم کی جاتی ہے۔
فیملی مرکز اصلاح کا کہنا ہے کہ ایک ماہ میں 227370 کیسز نمٹائے اور ناراض لوگوں کو آپس میں ملانے میں ان کی مدد کی گئی۔ حال ہی میں الاحساء شہر میں "مجھے معاف کردو" کے عنوان سے ایک 10 روزہ مہم بھی چلائی گئی تھی جس میں الاحساء اور اس کے مضافات کے علاقوں سے تعلق رکھنے والے شہریوں کے باہمی تنازعات کے خاتمے کے لیے سرکردہ شخصیات اور علماء کی مدد سے ان کے اختلافات دور کیے گئے۔فیملی اصلاح سینٹر کے ڈائریکٹر ڈاکٹر خالد الحلیبی کا کہنا ہے کہ ان کا ادارہ پچھلے دس سال سے کام کررہا ہے۔ ان دس برسوں کے دوران ان کے پاس 63 فی صد کیسز فیملی نوعیت کے آئے جنہیں احسن طریقے سے نمٹا دیا گیا۔مزید بین الاقوامی خبریں
-
امریکی جامعات میں جو ہورہا ہے وہ خوفناک ہے، نیتن یاہو
-
یہودیوں کا مذہبی تہوار، سیکڑوں یہودیوں کامسجد اقصی پر دھاوا، فلسطینیوں کو نکال دیا
-
شاہ سلمان بن عبدالعزیزطبی معائنے کیلئے اسپتال میں داخل
-
یونانی شاہی جوڑے کا شادی کے 14سال بعد علیحدگی کا اعلان
-
روس نے خلا میں ہتھیار رکھنے سے متعلق قرارداد ویٹو کردی
-
امریکا، اسقاطِ حمل پرپابندی کے خاتمے کا بل منظور
-
پینٹاگون نے ٹیکٹیکل میزائل یوکرین منتقل کردیے، روسی میڈیا
-
آسڑیلین پاکستانی نینشل ایسوی ایشن اپنا کے زیر اہتمام عید کے موقع پرقیونسلنڈ میں سال 2023 میں سماجی ،معاشرتی اور مذہبی خدمات پر اپنا عید ایوارڈ دیے
-
حماس قیادت دوحا میں رہے گی، قطرکا دو ٹوک پیغام
-
ایران چند ہفتوں میں جوہری ہتھیار تیار کرسکتا ہے،آئی اے ای اے
-
امریکہ، طالب علموں سے زیادتی کرنے والی 25 خواتین اساتذہ گرفتار
-
روس اورچین نے باہمی تجارت کیلئے ڈالرکا استعمال ختم کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.