پنجاب میں ڈینٹل و میڈیکل کالجز میں داخلے کی 3405 سیٹوں کیلئے 47ہزار طلبہ کا انٹری ٹیسٹ ،دور دراز کے علاقوں سے آئے امیدواروں کے والدین امتحانی سنٹرز کے باہر خوار‘ مراکز کے باہر مصلے بچھا لئے‘ بچوں کی کامیابی کیلئے دعائیں‘ طلباء و والدین نے وزیراعلیٰ پنجاب سے انٹری ٹیسٹ کو ختم کرنے کا مطالبہ
اتوار 30 اگست 2015 15:32
لاہور/فیصل آباد/ساہیوال/راولپنڈی/ملتان (اُردو پوائنٹ اخبار تازہ ترین۔ 30 اگست۔2015ء) پنجاب میں ڈینٹل و میڈیکل کالجز میں داخلے کے لئے 3405 سیٹوں کے لئے 47ہزار طلباء و طالبات نے انٹری ٹیسٹ کا امتحان دیدیا‘ دور دراز کے علاقوں سے آئے امیدواروں کے والدین امتحانی سنٹرز کے باہر خوار ہوگئے‘ امتحانی مراکز کے باہر والدین نے مصلے بچھا لئے‘ بچوں کی کامیابی کیلئے دعائیں‘ طلباء و والدین نے وزیراعلیٰ پنجاب سے انٹری ٹیسٹ کو ختم کرنے کا مطالبہ کرتے ہوئے کہا کہ دوہرا معیار اپنایا جارہا ہے‘ انتخاب میرٹ پر نہیں ہورہا‘ انٹری ٹیسٹ کا مطلب ہے کہ ہمیں اپنے ہی امتحان بورڈز پر اعتماد نہیں ہے۔
تفصیلات کے مطابق اتوار کو پنجاب بھر میں ڈینٹل و میڈیکل کالجز میں داخلے کے لئے انٹری ٹیسٹ ہوئے جو کہ طلباء کے لئے دوہرا امتحان بن گئے۔(جاری ہے)
پنجاب میں ڈینٹل و میڈیکل کالج کی تین ہزار چار سو پانچ سیٹوں کے لئے سنتالیس ہزار طلباء و طالبات نے امتحانات دیئے۔ صوبہ بھر میں انٹری ٹیسٹ کے لئے صرف 34امتحانی مراکز قائم کئے گئے تھے‘ امتحانی مراکز لاہور‘ فیصل آباد‘ ساہیوال‘ بہاولپور‘ ملتان‘ رحیم یار خان‘ سرگودھا‘ راولپنڈی‘ حسن ابدال‘ گجرات‘ گوجرانوالہ‘ ڈیرہ غازی خان اور سیالکوٹ میں قائم کئے گئے تھے۔
انٹری ٹیسٹ کے موقع پر دور دراز کے علاقوں سے آئے امیدواروں کے والدین امتحانی مراکز کے باہر خوار ہوتے رہے والدین نے مراکز کے باہر مصلے بچھا لئے اور بچوں کی کامیابی کے لئے دعائیں مانگتے رہے۔ طلباء و والدین نے وزیراعلیٰ پنجاب سے مطالبہ کیا کہ اس ناانصافی کا نوٹس لیا جائے اور انٹری ٹیسٹ کو ختم کیا جائے۔ طلباء نے اسے دوہرا معیار قرار دیتے ہوئے کہا کہ ایک دن قبل اچانک کال آئی کہ فلاں جگہ انٹری ٹیسٹ دینے کے لئے پہنچیں ہم نے ٹھیک سے تیاری بھی نہیں کی تھی کم از کم سات دن قبل اطلاع دینی چاہئیے تھی۔ والدین نے موقف اختیار کیا کہ انتخاب میرٹ پر نہیں ہورہا‘ کیا بورڈز پر اعتماد نہیں ہے جو انٹری ٹیسٹ کرائے جارہے ہیں انٹری ٹیسٹ کو سرے سے ہی ختم ہونا چاہئے یہ ہونہار بچوں کا مستقبل تاریک کررہا ہے۔ ملک کے تعلیمی سسٹم کو بہتر کرنے کی ضرورت ہے۔متعلقہ عنوان :
مزید قومی خبریں
-
وفاقی وزیرعطا تارڑ نے اعجاز احمد حفیظ کو اپنا کوارڈینیٹر مقرر کردیا
-
9 مئی کیس، بانی پی ٹی آئی کی عبوری ضمانت کی درخواست پر وکلاء کے دلائل طلب
-
ایک ضلع کا ڈپٹی کمشنر اگر کچھ کرنا چاہے تو انقلاب آ جائے‘لاہور ہائیکورٹ
-
ملک میں امن وا مان کی صورتحال زیر بحث لانے کیلئے وزیر داخلہ کو وہ اپنے چیمبر میں مدعو کر سکتے ہیں ،سپیکر قومی اسمبلی
-
پیپلز پارٹی کے دور میں کبھی کوئی سیاسی قیدی نہیں رہا، ہم نے ہمیشہ دوستی اور ہم آہنگی کا ہاتھ بڑھایا ہے، سینیٹر شیری رحمن
-
جس وزارت کا بزنس ایوان میں لیا جائے گا اگر اس وزارت یا محکمے کا جوائنٹ سیکرٹری کی سطح کا آفیسر موجود نہ ہوا تو سیکرٹری کو طلب کیا جائے گا،سپیکر قومی اسمبلی
-
عدالت نے فواد چودھری کو گرفتار کرنے سے روک دیا
-
عدالت نے فواد چودھری کو گرفتار کرنے سے روک دیا
-
وزیراعلیٰ مریم نواز کا ایئر ایمبولینس سروس کے دائرہ کار کو وسعت دینے کا اعلان
-
پنجاب کی طبی درسگاہوں میں ریسرچ کو پروان چڑھائیں گے‘خواجہ سلمان رفیق
-
رسول خدا احمدِ مجتبیٰ محمد مصطفیٰ کے تمام صحابہ و اہل بیت باکمال تھے،ثروت اعجاز قادری
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.