کرپشن میں ملوث چھوٹے بڑے کی کوئی تفریق نہیں جن کیسز میں شواہد موجود ہیں ان میں ملوث افراد کیخلاف بھرپور کارروائی عمل میں لائی جائیگی ،ڈی جی نیب بلوچستان میجر ریٹائرڈ طارق محمود ملک کی میڈیا سے بات چیت
پیر 31 اگست 2015 22:46
کوئٹہ (اُردو پوائنٹ اخبار تازہ ترین۔ 31 اگست۔2015ء) ڈائریکٹر جنرل نیب بلوچستان میجر ریٹائرڈ طارق محمود ملک نے کہا ہے کہ کرپشن میں ملوث چھوٹے بڑے کی کوئی تفریق نہیں جن کیسز میں شواہد موجود ہیں ان میں ملوث افراد کیخلاف بھرپور کارروائی عمل میں لائی جائیگی سابق وزیراعلیٰ ہو یا کوئی وزیر تمام کی گرفتاری کا اختیار نیب بلوچستان کے پاس ہے ہزار گنجی ماسٹر پلان کے ریکارڈ میں ردوبدل کرنیوالوں کیخلاف ریفرنس بھجوا دی گئی ہے پلاٹس کی الاٹمنٹ کیلئے رقم ادا کرنیوالوں کو ایڈجسٹ کیا جائیگا تاہم جعلی الاٹمنٹ کو کسی صورت قبول نہیں کیا جائیگا ان خیالات کا اظہار انہوں نے چیمبر آف سمال ٹریڈرز اینڈ سمال انڈسٹریز میں منعقدہ اجلاس سے قبل میڈیا نمائندوں سے بات چیت کے دوران کیا ان سے جب پوچھا گیا کہ بلوچستان میں کرپشن بارے کتنے ریفرنسز پر کام جاری ہے اور کتنے فائنل ہوچکے ہیں تو انہوں نے کہاکہ یہ ایک وسیع سوال ہے بہت سے کیسز پر کام جاری ہے جن لوگوں کیخلاف شواہد موجود ہیں ان کیخلاف ریفرنسز تیار کرکے عدالتوں کو بھیجے جارہے ہیں یہ تاثر کسی صورت درست نہیں کہ بڑوں یا چھوٹی شخصیات یا افراد میں کوئی امتیاز برتا جارہا ہے چاہے کوئی چھوٹا ہو یا بڑا جس کیخلاف شواہد موجود ہونگے ان کیخلاف کارروائی عمل میں لائی جائیگی انہوں نے سابق وزیراعلیٰ بلوچستان نواب اسلم رئیسانی اور سابق صوبائی وزیر خزانہ میر عاصم کرد گیلو کیخلاف کرپشن کیسز کی تحقیقات اور ان کی گرفتاری کیلئے اعلیٰ حکام سے ہدایات سے متعلق پوچھے گئے سوال پر کہاکہ نیب بلوچستان کو کرپشن میں ملوث افراد کی گرفتاری کا اختیار حاصل ہے اس سلسلے میں انہیں کسی سے اجازت لینے کی ضرورت نہیں پڑتی انہوں نے کہاکہ موجودہ حکومت میں شامل وزراء اور دیگر کیخلاف کرپشن کے کیسز نہیں ہیں تاہم جن کیخلاف شواہد آئینگے تو ان کیخلاف بھی کارروائی کی جائیگی انہوں نے کہاکہ ہزار گنجی ماسٹر پلان میں ردوبدل کرنیوالوں کیخلاف ریفرنس عدالت کو بھجوایا جاچکا ہے جن لوگوں کے پاس اوریجنل الاٹمنٹ لیٹرز موجود ہیں اور انہوں نے اس کی رقم کی ادائیگی کی ہے ان کی ایڈجسٹمنٹ کی جائیگی تاہم جعلی الاٹمنٹ رکھنے والے بعض لوگوں کو کچھ نہیں ملے گا انہوں نے کہاکہ وہ کیس کیو ڈی اے کے انتظامی معاملہ ہے اس سلسلے میں کارروائی کی جارہی ہے انہوں نے کہاکہ کرپشن کو جڑ سے اکھاڑ پھینکنے کے مشن پر وہ گامزن ہیں اس سلسلے میں کسی کو بھی رعایت نہیں دی جاسکتی ۔
مزید اہم خبریں
-
قومی و صوبائی اسمبلیوں کی 22 نشستوں پر ضمنی انتخابات کے لیے تیاریاں مکمل‘پولنگ کل ہوگی
-
حیدر آباد،گرلز کالج معذورملازمہ کی مبینہ خود کشی ، مرنے سے پہلے خط میں تفصیلات بتا دیں
-
امریکا میں پاکستانی نژاد شہریوں کی تعدادچار لاکھ جبکہ بھارتی نژاد امریکیوں کی 28لاکھ ہے. امریکی مردم شماری بیورو
-
عدالتی حکم پر بشریٰ بی بی کا نجی ہسپتال سے میڈیکل چیک اپ کروا دیا گیا
-
برطانیہ اور یورپی یونین کو ادویات کی شدید قلت کا سامنا، رپورٹ
-
پاکستان اور چین کے درمیان معاشی اور ثقافتی تعلقات تیزی سے فروغ پا رہے ہیں ،وزیرِ اعظم شہباز شریف کا چینی زبان کے عالمی دن پر پیغام
-
محکمہ صحت خیبرپختونخواہ نے بشریٰ بی بی کے طبی معائنے کیلئے اجاز ت مانگ لی
-
امریکہ نے پاکستان کے بیلسٹک میزائل پروگرام میں معاونت کے الزام میں چار بین الاقوامی کمپنیوں پر پابندیوں کا اعلان کردیا
-
آئی ایم ایف نے 6 سے 8 ارب ڈالر نئے بیل آؤٹ پیکج کی درخواست منظور کرلی
-
پاکستان نے آئی ایم ایف سے اگلے بیل آﺅٹ پیکج کیلئے باضابطہ درخواست کر دی
-
آئی ایم ایف بورڈ کا 29 اپریل تک کا شیڈول جاری، پاکستان ایجنڈے میں شامل نہیں
-
21 اپریل کو آنے والا رزلٹ عمران خان اور شاہ محمودقریشی کی رہائی کا آرڈر ہو گا،زین قریشی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.