آمنہ شیخ اور محب مرزا کے ہاں بیٹی کی پیدائش

منگل 1 ستمبر 2015 15:12

آمنہ شیخ اور محب مرزا کے ہاں بیٹی کی پیدائش

کراچی (اُردو پوائنٹ اخبار تازہ ترین۔ یکم ستمبر۔2015ء)وہ تمام لوگ جو آمنہ شیخ کے انڈسٹری سے اچانک غائب ہوجانے پر پریشان تھے، اب انھیں تمام سوالات کا جواب مل گیا ہے.محب مرزا اور اْن کی اہلیہ آمنہ شیخ کے ہاں رواں ماہ 11 اگست کو بیٹی کی پیدائش ہوئی ہے، تاہم اداکارہ نے اس کا اظہار سماجی رابطے کی ویب سائٹ ٹوئٹر پر آج کیا ہے.11 اگست کو پیدا ہونے والی میسا مرزا، پاکستانی اسٹار جوڑے کی پہلی اولاد ہے، جو 10سال قبل رشتہ ازدواج میں منسلک ہوئے تھے.

(جاری ہے)

آمنہ نے اپنی بیٹی کی تصویر کے ساتھ اس اسپشل خبر کو اپنے فینز کے ساتھ اپنے ذاتی فیس بک اکاوٴنٹ پر شیئر کیا.محب مرزا اور آمنہ شیخ کے ہمراہ ننھی پری کی یہ تصویر واقعی دل کوموہ لینے والی ہے.اس خوشی کی خبر پر سلیبرٹیز نومی انصاری، احمد علی بٹ اور دانش نواز نے انھیں مبارکباد سے بھی نوازا.محب مرزا اور آمنہ شیخ نے ایک ساتھ کئی پراجیکٹس کیے، جن میں ڈرامہ "ہم تم" اور "میرا سائیں" شامل ہیں جبکہ دونوں کوان کی فلم "لمحہ" کی وجہ سے بھی یاد کیاجاتا ہے