انڈر 19 ورلڈ کپ ، نئے کرکٹرز کی تلاش ریجنل کوچز کے سپرد
منگل 1 ستمبر 2015 15:12
لاہور (اردو پوائنٹ تازہ ترین اخباریکم ستمبر ۔2015ء ) پاکستان کرکٹ بورڈ نے ملک میں نئے اور باصلاحیت کرکٹرز کی تلاش میں ملک میں ریجن کے کوچز کی مدد لینے کا فیصلہ کیا ہے۔پی سی بی کے ڈائر یکٹر گیم ڈیولپمنٹ نے گذشتہ ہفتے تحریر کئے گئے ایک خط کے ذریعے ملک کے سولہ ریجن کے جونیئر اور سینئر کوچز کو ٹاسک دیا ہے کہ وہ فرسٹ کلاس اور انڈر 19سیزن کے دوران ایسے کھلاڑیوں کو تلاش کریں جو مستقبل میں پاکستان ٹیم کی نمائندگی کرسکتے ہیں۔
ان نوجوان کرکٹرز کی خامیوں اور خوبیوں پر نظر رکھنا کوچز کیلیے بلاشبہ پہلا مشکل ٹاسک ہے۔ ا س طرح ان کوچز کو بھی چیک کیا جائے گا وہ گیم ڈیولپمنٹ کو اس بارے میں تفصیلی رپورٹ دیں۔ اس بارے میں ہونے والی پیش رفت سے چیئرمین شہریار خان، چیئرمین ایگزیکٹیو کمیٹی نجم سیٹھی اور چیف سلیکٹر ہارون رشید کو بھی آگاہ رکھا جائے گا۔(جاری ہے)
کوچز کو متنبہ کیا گیا ہے کہ اس بارے میں غفلت کو برداشت نہیں کیا جائیگا۔
ذرائع کا کہنا ہے کہ ریجن کے انڈر 19کوچز کو لکھے گئے خط میں کہا گیا ہے کہ آئندہ سال بنگلہ دیش میں ہونیوالے انڈر19 ورلڈ کپ کے لئے سلیکشن کمیٹی 30کھلاڑیوں کا پول تیار کررہی ہے۔ ون ڈے اور تین روزہ انڈر19ٹورنامنٹ کے ختم ہونے کے پندرہ دن بعد اپنے ریجن کے کرکٹرز کے بارے میں رپورٹ دیں۔ اسی طرح ریجن کی فرسٹ کلاس ٹیموں کے کوچز کو الگ سے خط تحریر کیا گیا ہے۔ جس میں کہا گیا ہے کہ چیف سلیکٹر ہارون رشید نے21 اگست کو لکھے گئے خط میں تمام کوچز کو ہدایت کی ہے کہ وہ اپنے ریجن کے اوپننگ بیٹسمینوں ، مڈل آرڈر بیٹسمینوں،بیٹنگ اور بولنگ آل رائونڈرز،فاسٹ اور سپن بولرزکی نشاندہی کریں۔قومی سلیکشن کمیٹی ، پاکستانی ٹیم اور اے ٹیم کے لئے کھلاڑیوں کے بیک اپ کے لئے پول تیار کر رہی ہے۔ اس کے لئے باصلاحیت کھلاڑی تلاش کرکے فرسٹ کلا س سیزن کے دو ہفتے میں شعبہ گیم ڈیولپمنٹ کو رپورٹ کریں۔ ذرائع کے مطابق کوچز کو کھلاڑیوں کے لئے جو خصوصیات بتائی گئی ہیں ان میں کھلاڑیوں کا ٹمپرامنٹ، فزیکل فٹنس، پریشر کی صورتحال میں اعتماد ، کھیلتے ہوئے مختلف صورتحال سے ہم آہنگ ہونے کی خصوصیت، فاسٹ اور اسپن بولنگ کو کھیلتے ہوئے خامیاں اور خوبیاں شامل ہیں۔ کھلاڑی طویل اور چھوٹے، کس فارمیٹ کے لئے موزوں ہے اور سب سے بڑھ کر کھلاڑی کا رویہ، ڈسپلن اور اخلاقیات شامل ہے۔ پی سی بی کا خیال ہے کہ کوچز پورے سیزن میں جس کھلاڑی کی نشاندہی کریں گے انہیں قومی اکیڈمی بلاکر اس پر کوچز مزید کام کریں گے ۔مزید کھیلوں کی خبریں
-
شاہین نے رضوان کو ٹی ٹوئنٹی کا بریڈمین قرار دے دیا
-
نووواک جوکووچ میڈرڈ اوپن ٹینس ٹورنامنٹ میں حصہ نہیں لیں گے
-
بھارتی کھلاڑی رانا سنگھ نے پاکستان کیخلاف نازیبا الفاظ استعمال کئے ، مجھے گالیاں اور دھکے دیئے اس لئے تھپڑ مارا ، پاکستانی فائٹر شاہ زیب رند
-
یو اے ای کے نوجوان بیڈمنٹن کھلاڑیوں نے بین الاقوامی ٹورنامنٹ جیت کرتاریخ رقم کر دی
-
آسٹریلین جونیئر اوپن اسکواش چیمپئن شپ میںمیڈلز جیتنے والے کھلاڑیوں کا پشاور پہنچنے پر تپاک اسقبال
-
پاکستان اورنیوزی لینڈ کی کرکٹ ٹیموں کے درمیان چوتھا ٹی ٹونٹی میچ 25 اپریل کو کھیلا جائے گا
-
پاکستان ماسٹر ٹین پن باؤلنگ چیمپئن شپ 27 اپریل سے راولپنڈی میں شروع ہوگی
-
لاہور کی بارش نے پاکستانی کرکٹرز کیلئے چائے کا موڈ بنادیا
-
ویرات کوہلی کا آؤٹ ہونے پر غصے کا اظہار: زمین اور کوڑے دان کو بلاّ دے مارا، ویڈیو وائرل
-
راشد لطیف، عثمان خان کے یو اے ای چھوڑنے کے فیصلے سے ناخوش
-
ریٹائرڈ کھلاڑی اب بھی ہماری موجودہ ٹیم کے پلئیرز سے بہت بہتر ہیں، سلمان بٹ کا طنز
-
ویسٹ انڈین آل راؤنڈرسنیل نارائن نے ٹی ٹوئنٹی ورلڈکپ میں واپسی کو مسترد کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.