حکومت کی جانب سے پٹرولیم مصنوعات کی قیمتوں میں کمی قوم سے بھونڈا مذاق ہے ، قیمتوں میں کی گئی کمی ناقابل قبول ہے، حکومت کے رویے سے واضح ہو چکا کہ مسلم لیگ (ن) کی وفاقی حکومت آئی ایم ایف سے مزید قرضوں کے حصول کیلئے غریب عوام اور مقامی صنعتوں کو مشکلات میں دھکیل رہی ہے
تحریک انصاف کے چیئرمین عمران خان کاپیٹرولیم مصنوعات کی قیمتوں میں کمی پرردعمل کااظہار
منگل 1 ستمبر 2015 20:25
اسلام آباد ( اُردو پوائنٹ اخبار تازہ ترین۔ یکم ستمبر۔2015ء ) پاکستان تحریک انصاف کے چیئرمین عمران خان نے وفاقی حکومت کی جانب سے پٹرولیم مصنوعات کی قیمتوں میں کمی کو قوم سے بھونڈا مذاق قرار دیتے ہوئے قیمتوں میں کی گئی کمی کو ناکافی اور ناقابل قبول قرار دیا ہے اور کہاہے کہ حکومت کے رویے سے یہ واضح ہو چکا ہے کہ مسلم لیگ (ن) کی وفاقی حکومت آئی ایم ایف سے مزید قرضوں کے حصول کیلئے غریب عوام اور مقامی صنعتوں کو مشکلات میں دھکیل رہی ہے ، آئی ایم ایف جیسے عالمی مالیاتی اداروں کی جانب سے ترقی پذیر ممالک کو دی گئی ڈکٹیشن ان ممالک میں سماجی عدمِ استحکام اور کشمکش کی بنیادی وجہ ہے۔
منگل کو مرکزی میڈیا ڈیپارٹمنٹ کی جانب سے جاری بیان میں چیئرمین تحریک انصاف نے پٹرولیم مصنوعات کی قیمتوں میں کمی پر اپنے ردعمل میں کہا کہ حکومت کے رویے سے یہ واضح ہو چکا ہے کہ مسلم لیگ نواز کی وفاقی حکومت آئی ایم ایف سے مزید قرضوں کے حصول کیلئے غریب عوام اور مقامی صنعتوں کو مشکلات میں دھکیل رہی ہے۔(جاری ہے)
انہوں نے کہا کہ آئی ایم ایف جیسے عالمی مالیاتی اداروں کی جانب سے ترقی پذیر ممالک کو دی گئی ڈکٹیشن ان ممالک میں سماجی عدمِ استحکام اور کشمکش کی بنیادی وجہ ہے۔
انہوں نے کہا کہ ایسی جماعت جو زرداری کی سابقہ حکومت کی جانب سے عائد کیے گئے سولہ فیصد جنرل سیلز ٹیکس کے خاتمے کا وعدہ کرتی رہی ہو کی جانب سے ڈیزل پر 45فیصد تک جی ایس ٹی کے نفاذ کا کیا جواز ہے۔ انہوں نے کہا کہ ڈیزل ایک ایسا بنیادی ایندھن ہے جسے ٹرانسپورٹرز اپنی گاڑیوں، کسان اپنی زرعی میشنری اور چھوٹے دکاندار اپنے جنریٹرز میں استعمال کرتے ہیں، چنانچے اس کی قیمتوں میں ردوبدل کے براہِ راست اثرات ان تمام طبقات پر مرتب ہوتے ہیں۔ چیئرمین تحریک انصاف نے مزید کہا کہ لگاتار یہ دوسرا مہینہ ہے کہ جب مسلم لیگ نواز کی حکومت نے اوگرا کی جانب سے پٹرولیم مصنوعات کی قیمتوں میں کمی کی سفارشات کو نظر انداز کیا اور عالمی سطح پر تیل کی قیمتوں میں گراوٹ کے ثمرات سے عوام کو محروم کر کے اپنے لیے زیادہ سے زیادہ مال بنانے کی کوشش کی۔ مسلم لیگی حکومت کے اس طرز عمل کو شرمناک قرار دیتے ہوئے تحریک انصاف کے چیئرمین نے کہا کہ حکومت عوام کی زندگیاں اجیرن بنانے کا پختہ ارادہ کیے ہوئے ہے۔ انہوں نے مزید کہا کہ حکومت کی جانب سے ظالمانہ ٹیکسوں کے نفاذ کے ذریعے ایندھن اور پیداواری لاگت میں اضافے کے ذریعے مقامی صنعتوں پر غیر معمولی بوجھ ڈالنا بھی انتہائی قابلِ مذمت ہے۔ ان کے مطابق ملک کی بیشترصنعتیں لیگی حکومت کی اس صنعت مخالف پالیسیوں کی وجہ سے عالمی منڈی میں مقابلے کی سکت تک کھو بیٹھے گئیں۔ انہوں نے یاددلایا کہ عوام کو تیل کی قیمتوں میں سب سے زیادہ ریلیف تحریک انصاف کے 126روزہ دھرنے کے دوران میسر آیا جب تحریک انصاف کے دباؤ پر مسلم لیگ نواز کی حکومت عالمی سطح پر تیل کی قیمتوں میں گراوٹ سے حاصل ہونے والے فائدے کو صحیح معنوں میں عوام تک منتقل کرنے پر مجبور ہوئی۔ انہوں نے کہا کہ لگتا ہے کہ مسلم لیگ نواز صرف اس صورت میں عوام کی بات سنتی ہے جب وہ احتجاج کرنے کیلئے سڑکوں پر نکلتے ہیں، تاہم ہم امید کرتے ہیں کہ مسلم لیگ نواز اس مرتبہ پٹرولیم مصنوعات پر عائد بھاری ٹیکسوں کے خاتمے اور عالمی سطح پر تیل کی قیمتوں میں کمی کے حقیقی ثمرات کے حصول کیلئے تحریک انصاف کے سڑکوں پر نکلنے کا انتظار نہیں کریگی ۔ انہوں نے کہا کہ اگر حکومت کو عام شہریوں کی تکالیف اور مشکلات کا تھوڑا سا بھی احساس ہے تو فوری طوری پر تیل پر عائد ٹیکسز ختم کرے اور بین الاقوامی منڈی میں تیل کی قیمتوں میں گراوٹ کے حقیقی ثمرات عوام تک منتقل کرے۔ اپنے ایک دوسرے بیان میں چیئرمین تحریک انصاف عمران خان نے خیبرایجنسی میں خاصہ دار فورس کے اہلکاروں پر دہشت گرد حملے کی شدید مذمت کی اورقیمتی جانوں کے ضیاع پر گہرے رنج اور دکھ کا اظہا رکیا۔ انہوں نے کہا کہ امن کے دشمن ملک میں آگ اور خون کا کھیل جاری رکھے ہوئے ہے، پوری قوم امن چاہتی ہے۔ تحریک انصاف ملک سے دہشتگردی کے خاتمے اور امن کے قیام کی ہر کوشش کی حمایت کرتی ہے۔ اپنے بیان میں شہداء کے لواحقین سے یکجہتی کا اظہار کرتے ہوئے چیئرمین تحریک انصاف نے حملے میں زخمی ہونے والے جوانوں کی جلد صحت یابی کی بھی دعا کی۔متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.