یوم دفاع کے موقع پر راولپنڈی اسلام آباد میں موبائل فون سروس معطل رکھنے کافیصلہ

بدھ 2 ستمبر 2015 16:27

اسلام آباد(اُردو پوائنٹ اخبار تازہ ترین۔ 02 ستمبر۔2015ء) یوم دفاع کے موقع پر جڑواں شہروں میں چارگھنٹوں کے لیے موبائل فون سروس کی بندش کا فیصلہ کرلیاگیا،ا س سلسلے میں وزارت داخلہ کو ریکوزیشن بھی بھیج دی گئی جو پاکستان ٹیلی کمیونیکیشن اتھارٹی کو موبائل فون سروس کی معطلی کی ہدایت کرے گی۔

(جاری ہے)

تفصیلات کے مطابق ڈی سی او آفس میں یوم دفاع کی تقریبات اور سیکیورٹی صورتحال سے متعلق اعلیٰ سطحی اجلاس ہوا جس میں اسلام آباد اور راولپنڈی کی انتظامیہ نے شرکت کی۔سیکیورٹی خدشات کے پیش نظر 6ستمبر کو دن 10بجے سے دوپہر دوبجے تک موبائل فون سروس کی معطلی کا فیصلہ کیاگیااوراس ضمن میں وزارت داخلہ کو ریکوزیشن بھجوادی گئی۔