حکومت اور ایم کیو ایم میں مذاکرات ناکام ہونے کی وجوہات سامنے آگئیں
الطاف حسین کی تقریر پر پابندی ختم کی جائے ، ایم کیو ایم کو کھالیں جمع کرنے کی اجازت دی جائے،شکایت ازالہ کمیٹی کے قیام پر اتفاق کے بعدایم کیو ایم کے مطالبات کھالیں جمع کرنے پر پابندی قانون نافذ کرنے والے اداروں نے لگائی ، یہ رقم دہشت گردی کیلئے استعمال ہوتی ہے، الطاف حسین کی باتیں ایسی نہیں کہ عوام کو سنائی جاسکیں،حکومتی کمیٹی کا مطالبات ماننے سے انکار
جمعرات 3 ستمبر 2015 13:02
اسلام آباد (اُردو پوائنٹ اخبار تازہ ترین۔ 03 ستمبر۔2015ء) حکومت اور متحدہ قومی موومنٹ میں مذاکرات ناکام ہونے کی وجوہات سامنے آگئیں‘ ایم کیو ایم کی طرف سے سات رکنی شکایت ازالہ کمیٹی کے قیام پر اتفاق کے بعد دو نئے مطالبات رکھے گئے کہ الطاف حسین کی تقریر پر پابندی ختم کی جائے اور ایم کیو ایم کو کھالیں جمع کرنے کی اجازت دی جائے جس پر وفاقی وزراء کی طرف سے تحفطات کا اظہار کیا گیا کہ کھالیں جمع کرنے پر پابندی قانون نافذ کرنے والے اداروں نے لگائی ہے یہ رقم دہشت گردی کے لئے استعمال ہوتی ہے۔
الطاف حسین کی باتیں ایسی نہیں کہ عوام کو سنائی جاسکیں‘ جس کے بعد وفاقی وزراء نے یہ مطالبات ماننے سے انکار کردیا جبکہ ایم کیو ایم کی طرف سے مذاکرات کو ختم کرنے کا اعلان اور استعفے فوری طور پر منظور کرنے کا مطالبہ کردیا گیا۔(جاری ہے)
تفصیلات کے مطابق گزشتہ شب پنجاب ہاؤس میں متحدہ قومی موومنٹ اور حکومتی ٹیم میں مذاکرات ہوئے جو کہ کامیاب نہ ہوسکے اور اس حوالے سے ڈیڈ لاک برقرار رہا۔
مذاکرات ناکام ہونے کی وجوہات میں ایم کیو ایم کی طرف سے دو مطالبات تھے جو کہ حکومت نے ماننے سے انکار کردیا۔ ذرائع کے مطابق مذاکرات میں سات رکنی شکایت ازالہ کمیٹی کے قیام پر تو اتفاق ہوگیا تھا لیکن مذاکرات کے آخر میں متحدہ قومی موومنٹ کے رہنماؤں کی طرف سے دو نئے مطالبات پیش کردیئے گئےجن میں ایک تو کہا گیا کہ قائد کی تقریر پر پابندی ختم کی جائے اور دوسرا کھالیں جمع کرنے کی اجازت دی جائے جس پر وفاقی وزراء کی طرف سے موقف اختیار کیا گیا کہ کھالیں جمع کرنے پر پابندی قانون نافذ کرنے والے اداروں کی طرف سے لگائی گئی ہے انکشاف ہوا ہے کہ یہ رقم دہشت گردی کے لئے استعمال ہوتی ہے اور بتایا جائے کہ کیا عوام الطاف حسین کی باتیں عوام کو سنائے جانے کے قابل ہیں؟ جس پر متحدہ نے موقف اختیار کیا کہ بھائی اداروں کے خلاف بات غصے میں کہہ گئے تھے اور کھالوں پر پابندی کے بعد خدمت خلق کے وسائل آٹھ فیصد کم ہوگئے ہیں تاہم وفاقی حکومت کی طرف سے موقف اختیار کیا گیا کہ الطاف حسین کی تقریر پر پابندی عدالت نے لگائی ہے ‘ مذاکرات مکمل ہونے کے بعد ایسی شرائط نہ لگائی جائیں جن پر عمل درآمد ممکن نہ ہو۔
ذرائع کے مطابق اس بات کے بعد دونوں مذاکراتی ٹیمیں اٹھ کر چلی گئیں اور رات گئے فاروق ستار نے پریس کانفرنس کی جس میں انہوں نے مطالبہ کیا کہ ہمارے استعفے فوری طور پر منظور کئے جائیں۔ انہوں نے حکومت سے مذاکرات کرنے سے بھی انکار کردیا۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.