برطانوی وزیر اعظم نے ہزاروں شامی پناہ گزینوں کو ملک میں پناہ دینے کا اعلان کردیا

محمد علی جمعہ 4 ستمبر 2015 19:40

لندن (اردو پوائنٹ تازہ ترین اخبار. 4 ستمبر 2015 ء) برطانوی وزیر اعظم نے ہزاروں شامی پناہ گزینوں کو ملک میں پناہ دینے کا اعلان کردیا ہے۔ بین الاقوامی خبررساں ایجنسی سے موصول ہونے والی تفصیلات کے مطابق برطانوی وزیر اعظم ڈیوڈ کیمرون کی جانب سے شامی پناہ گزینوں کو ملک میں پناہ دینے کا اعلان کیا گیا ہے۔

(جاری ہے)

ا س سے قبل انہوں نے مزید تارکین وطن کو ملک میں پناہ دینے سے انکار کردیا تھا تاہم گزشتہ دنوں سمندر کنارے 3 سالہ شامی بچے کی تصویر اور سمندر کے ذریعے یورپ آنے والے شامی، عراقی، اور لیبیائی باشندوں کی افسوس ناک خبروں کے منظر عام پر آنے کے بعد برطانوی وزیراعظم نے اپنا فیصلہ تبدیل کردیا ہے۔

اس حوالے سے پرڈیوڈ کیمرون کا کہنا ہے کہ اس بحران کی شدت اور لوگوں کی تکالیف کو دیکھتےہوئے تارکین وطن کے لئے پہلے سے موجود اسکیموں میں ہزاروں شامی باشندوں کو بھی پناہ دی جائے گی۔ برطانوی وزیراعظم کا مزید کہنا ہے کہ داعش کی سرگرمیوں سے متاثرہ لوگوں کی مدد کرنا ان کی اخلاقی ذمے داری بنتی ہے۔

Facebook Twitter Google + Share on Whatsapp

برطانوی وزیر اعظم نے ہزاروں شامی پناہ گزینوں کو ملک میں پناہ دینے کا اعلان کردیا

مزید بین الاقوامی خبریں