شہداء فاؤنڈیشن کا سپریم کورٹ میں لال مسجد آپریشن کیس کو سماعت کے لئے مقرر کرنے کا خیرمقدم
امید ہے آٹھ سال بعد سپریم کورٹ شہدائے لال مسجد و جامعہ حفصہ کے ورثا کو انصاف دے گی،ترجمان لال مسجد آپریشن کے متعلق دستاویزات کو عام کرنے اور لال مسجد سے ملحقہ زمین پر جامعہ حفصہ کی دوبارہ تعمیر کا معاملہ اٹھانے کا بھی فیصلہ
ہفتہ 5 ستمبر 2015 20:03
اسلام آباد(اُردو پوائنٹ اخبار تازہ ترین۔ 05 ستمبر۔2015ء) شہداء فاؤنڈیشن آف پاکستان(لال مسجد)نے سپریم کورٹ میں لال مسجد آپریشن کیس کو سماعت کے لئے مقرر کرنے کا خیرمقدم کرتے ہوئے امیدظاہر کی ہے آٹھ سال بعد سپریم کورٹ شہدائے لال مسجد و جامعہ حفصہ کے ورثا کو انصاف دے گی جبکہ شہداء فاؤنڈیشن نے یہ فیصلہ بھی کیا ہے کہ سپریم کورٹ میں دس ستمبر کو لال مسجد آپریشن کیس کی سماعت کے موقع پر لال مسجد آپریشن کے متعلق دستاویزات کو پبلک کرنے اور لال مسجد سے ملحقہ زمین پر جامعہ حفصہ کی دوبارہ تعمیر کا معاملہ اٹھایا جائے گا۔
ہفتہ کو یہاں دس ستمبر کو سپریم کورٹ میں ہونے والی لال مسجد آپریشن کیس کی سماعت کے حوالے سے شہداء فاؤنڈیشن کا اہم مشاورتی اجلاس اسلام آباد میں منعقد ہوا۔(جاری ہے)
اجلاس میں لال مسجد آپریشن کیس کے متعلق ماہرین قانون سے مشاورت کے بعد پالیسی لائن مرتب کی گئی۔اجلاس میں فیصلہ کیا گیا ہے کہ دس ستمبر کو سپریم کورٹ میں لال مسجد آپریشن کیس کی سماعت کے موقع پر لال مسجد آپریشن کے متعلق تمام دستاویزات کو عام کرنے کی استدعا کی جائے گی اور سپریم کورٹ سے درخواست کی جائے گی کہ لال مسجد آپریشن کیس کا فیصلہ جلد سنایا جائے۔
اجلاس میں یہ بھی فیصلہ کیا گیا ہے کہ سپریم کورٹ کے دو اکتوبر 2007کے فیصلے کی روشنی میں حکومت کی جانب سے اب تک لال مسجد سے ملحقہ زمین پر جامعہ حفصہ کی دوبارہ تعمیر نہ کرنے کا معاملہ بھی دوران سماعت اٹھایا جائے گا اور جامعہ حفصہ کی عدم تعمیر پر وفاقی حکومت کے خلاف توہین عدالت کی کاروائی شروع کرنے کی درخواست کی جائے گی۔اجلاس کے بعد ترجمان شہداء فاؤنڈیشن حافظ احتشام احمد نے بیان میں کہا کہ جولائی 2007سے سپریم کورٹ میں زیرسماعت لال مسجد آپریشن کیس کو دو سال بعد سماعت کے لئے مقرر کرنے کا خیرمقدم کرتے ہیں،ایک طویل عرصے سے لال مسجد آپریشن کیس زیرالتواء ہونے کی وجہ سے شہدائے لال مسجد کے ورثا موجودہ عدالتی نظام سے مایوس ہوچکے تھے،موجودہ چیف جسٹس جواد ایس خواجہ کی جانب سے لال مسجد آپریشن کیس کو سماعت کے لئے مقرر کرنے کا اقدام قابل تحسین ہے،دو سال بعد لال مسجد آپریشن کیس کے سماعت کے لئے مقرر ہونے کی وجہ سے شہدائے لال مسجد و جامعہ حفصہ کے ورثا کو انصاف کی ایک کرن نظر آئی ہے،امید ہے کہ اب آٹھ سال بعد سپریم کورٹ شہدائے لال مسجد و جامعہ حفصہ کے ورثا کو ضرور انصاف دے گی،لال مسجد آپریشن کیس میں جلد از جلد انصاف پر مبنی فیصلے سے ہی پاکستان میں مکمل طور پر امن کی فضاء قائم ہوگی۔متعلقہ عنوان :
مزید اہم خبریں
-
روس نے جرمن فاونڈیشن پر پابندی لگا دی
-
چین میں پاکستان کے سفیر کا دارالحکومت بیجنگ میں ہواوے کے نمائشی مرکز کا دورہ ، منصوبوں اور پاکستان کے ساتھ شراکت داری پر تبادلہ خیال
-
ایران : اصفہان میں دھماکوں کی آوازیں اسرائیل کا ایران پر’ ’میزائل حملہ“ کرنے کا دعوی
-
پاکستان کی معیشت 2047 تک تین ٹریلین ڈالرتک بڑھنے کی صلاحیت رکھتی ہے، سعودی سرمایہ کاروں کے لیے بینکاری اور سرمایہ کاری کے قابل منصوبے پیش کر یں گے، وزیرخزانہ محمداورنگزیب کی واشنگٹن میں ملاقاتوں ..
-
غیر ملکیوں کی گاڑی پر حملہ، دہشتگرد حملہ آور پیدل چل کر گاڑی تک پہنچے،ڈی آئی جی ایسٹ اظفر مہیسر
-
پاکستان میں مہنگائی تیزی سے کم ہو کر کم ترین سطح پر آگئی ہے،گورنر سٹیٹ بینک
-
پنجاب ،ضمنی انتخابات کے پیش نظر 10اضلاع میں دفعہ 144نافذ
-
کراچی،غیر ملکی شہریوں کی گاڑی پر خود کش حملہ،2دہشت گرد ہلاک،2سیکورٹی گارڈ سمیت3افراد زخمی
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.