پاکستان میں ہاکی کے زوال کی سب سے بڑی وجہ حکومت کی جانب سے سہولیات کی عدم فراہمی ہے، موجودہ ہاکی فیڈریشن ٹیلنٹ کی تلاش میں ہے اور ہاکی کی بہتری کیلئے سنجیدہ اقدامات اٹھائے جارہے ہیں،گراس روٹ لیول پر ہاکی نہ ہونے کی وجہ سے ہم ہاکی میں پایا ہوا مقام کھورہے ہیں
پاکستان ہاکی فیڈریشن کے سلیکشن کمیٹی کے ممبر سعید خان کی میڈیا سے گفتگو
ہفتہ 5 ستمبر 2015 20:49
بنوں (اُردو پوائنٹ اخبار تازہ ترین۔ 05 ستمبر۔2015ء ) پاکستان ہاکی فیڈریشن کے سلیکشن کمیٹی کے ممبر اور سابق اولمپئن (کپتان)سعید خان نے کہا ہے کہ پاکستان میں ہاکی کے زوال کی سب سے بڑی وجہ حکومت کی جانب سے سہولیات کی عدم فراہمی ہے موجودہ ہاکی فیڈریشن ٹیلنٹ کی تلاش میں ہے اور ہاکی کے بہتر کیلئے سنجیدہ اقدامات اٹھائے جارہے ہیں لیکن جب تک حکومتی سرپرستی نہیں ہوگی اور یورپین کے بجائے مکسر سٹائل کو نہیں اپنا جاتا ہاکی میں بہتری مشکل ہے گراس روٹ لیول پر ہاکی نہ ہونے کی وجہ سے ہم ہاکی میں پایا ہوا مقام کھورہے ہیں ہاکی کو زندہ کرنے کیلئے ڈومیسٹک لیول پر ہاکی کے مقابلوں کا زیادہ سے زیادہ انعقاد اور کھلاڑیوں کو سہولیات دینے کی ضرورت ہے جب گراس روٹ لیول پر ہاکی کو زندہ کیا جائیگا تو اس کے بہتر نتائج سامنے آئیں گے ان خیالات کا اظہار انہوں نے بنوں میں صحافیوں سے خصوصی بات چیت کرتے ہوئے کیا انہوں نے کہا کہ کرکٹ کے مقابلے میں ہاکی مہنگا کھیل ہے کرکٹ میں ایک بیٹ اور بال پر22کھلاڑی کھیلتے ہیں جبکہ ہاکی میں ہر کھلاڑی کا اپنا سٹک،بوٹس،یونیفارم اور دیگر سامان ہوتا ہے پاکستان میں ٹیلنٹ کی کوئی کمی نہیں ہے اگر کمی ہے تو حکومتی سرپرستی کی کمی ہے پہلے پرائمری سطح پر سکولوں میں ہاکی کھیلی جاتی تھی پھر مڈل،ہائی سکول اور کالج کی سطح پر ہاکی کھیلی جاتی تھی اب مہنگائی اور سہولیات کے فقدان کی وجہ سے ہاکی کا کھیل ہر کسی کے بس کی بات نہیں ہے اگر ہاکی کے کھلاڑیوں کو نوکریاں دی جائیں پہلے کی سطح کھلاڑیوں کو سکالر شپ دیئے جائیں تو کھلاڑیوں کی کمی نہیں ہوگی اب تو مہنگائی اور سہولیات کے فقدان کی وجہ سے ہاکی کا یہ حال ہے کہ جتنے کھلاڑی کیمپ میں ہوتے ہیں اتنے ہی ٹیم میں ہوتے ہیں انہوں نے کہا کہ ہاکی میں سندھ اور بلوچستان کو تو نظر انداز کیا گیا ہے لیکن خیبر پختونخوا کو سب سے زیادہ نظر اندازکیا گیا ہے انہوں نے کہا کہ ضرورت اس بات کی ہے کہ ہاکی کے سب سے زیادہ ٹورنامنٹس منعقد کئے جائیں اور با الخصوص ڈومیسٹک مقابلوں کا زیادہ سے زیادہ انعقاد کیا جائے انہوں نے بنوں میں اسٹرٹرف کی حالت زار پر افسوس کا اظہار کرتے ہوئے کہا کہ بنوں کا اسٹرٹرف ناقابل استعمال ہے اور نئے ٹرف کیلئے ہم انشاء اﷲ بھرپور کوشش کریں گے اور ہاکی میں میرٹ کو زیادہ ترجیخ دیں گے تاکہ پاکستان ہاکی میں اپنا کھویا ہوا مقام واپس حاصل کرسکیں تاہم میں پھروہی بات دہرا?ں گا کہ حکومت کا ہاکی کی بہت زیادہ سرپرستی کرنی چاہیئے اور جدید دور کے مطابق کھلاڑیوں کی ضروریات کو پورا کرنا چاہیئے۔
مزید کھیلوں کی خبریں
-
صرف 2 گیندوں بعد ہی میچ ختم
-
راولپنڈی میں بارش رک گئی، پاک نیوزی لینڈ میچ چند اوورز تک محدود کر دیا گیا
-
کس وقت تک بارش نہ رکی تو پاک نیوزی لیند میچ منسوخ کر دیا جائے گا؟
-
راولپنڈی میں بارش، پاک نیوزی لینڈ میچ دوبارہ شروع ہو سکے گا یا نہیں؟
-
کیویز کیخلاف پہلے میچ کیلئے 2 پاکستانی کھلاڑیوں کا ڈیبیو
-
ویسٹ انڈیزویمینز ٹیم نے پاکستان ویمینز ٹیم کو پہلےایک روزہ بین الاقومی میچ میں 113 رنز سے شکست دے دی
-
سیریز کا پہلا ٹی ٹوئنٹی میچ، نیوزی لینڈ نے پاکستان کیخلاف ٹاس جیت لیا
-
راولپنڈی میں پاک نیوزی لینڈ میچ ہو سکے گا یا نہیں؟ اپ ڈیٹ جاری کر دی گئی
-
آئی سی سی ایونٹ میں شرکت، ونواٹو کی ٹیم چندہ جمع کرنے پر مجبور
-
بارسلونا اوپن ، مارشل گرانولرزاورہوراشیوزیبالوس کوارٹرفائنل میں پہنچ گئے
-
سابق آسٹریلوی کرکٹرمائیکل سلیٹرجیل منتقل
-
سیف گیمز کے انعقاد سے دنیا میں پاکستان کا سافٹ امیج اجاگر ہوگا، رانا مشہود
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.