یوم دفاع کی گولڈن جوبلی پر پوری قوم میں بے مثال جذبہ ، گلی محلوں، شاہراہوں اور بازاروں میں ملی جوش وجذبے کے فقید المثال مظاہرے
اتوار 6 ستمبر 2015 13:51
اسلام آباد ۔ 6 ستمبر (اُردو پوائنٹ اخبار تازہ ترین۔ 06 ستمبر۔2015ء) پاکستان کے پچاسویں یوم دفاع کے موقع پر پوری قوم میں بے مثال جذبہ دیکھنے میں آیا۔ گلی محلوں، شاہراہوں اور بازاروں میں ملی جوش وجذبے کے فقید المثال مظاہرے دیکھنے میں آئے۔ رواں سال یوم دفاع کے موقع پر پوری پاکستانی قوم نے 6 ستمبر 1965ء کی یاد ایک مرتبہ پھر تازہ کردی ہے۔ پاک فوج ، پاکستان ایئر فورس اور ملک کے ہر شہری نے اس موقع پر ارض پاک کے دفاع کیلئے ایک مرتبہ پھر پاکستان کی طرف میلی آنکھ سے دیکھنے والے دشمن کو منہ توڑ جواب دینے کے عزم کا اظہار اور ملک کے دفاع کیلئے کسی قربانی سے دریغ نہ کرنے کا عہد کیا ۔
رواں سال یوم دفاع کے موقع پر بزرگوں، بچوں اور خواتین سمیت زندگی کے تمام شعبوں سے تعلق رکھنے والے پاکستانی جذبہ حب الوطنی کے جذبات سے سرشار نظر آئے۔(جاری ہے)
بالخصوص انہوں نے بھارت کی جانب سے ورکنگ باؤنڈری کی خلاف ورزیوں پر نہ صرف غم وغصے کا اظہار کیا بلکہ یوم دفاع کے موقع پر انہوں نے پاک فوج کے شانہ بشانہ ملک کے دفاع کیلئے عزم کا اظہار کیا۔
جنہیں 6 ستمبر 1965ء کے دن یاد ہے ان بزرگوں کا کہنا ہے کہ یہی جذبہ 6 ستمبر 1965ء والے دن پوری قوم کا تھا جو آج دیکھنے میں آ رہا ہے۔ یوم دفاع کے موقع پر پاکستان ایئرفورس کی جانب سے پاک فضائیہ ہیڈکوارٹر میں منعقدہ ایئر شو کی تقریب کے موقع پر شہریوں کی بڑی تعداد نے مختلف ٹولیوں کی شکل میں فضائی مظاہرہ دیکھا اور فضا پاکستان زندہ باد کے نعروں سے گونجتی رہی ۔شہریوں نے ایف 16، جے ایف 17 تھنڈر ، معراج طیاروں اور ہیلی کاپٹرز کی فارمیشن کے شاندار مظاہروں اور پاک فضائیہ کے ہوا بازوں کی مہارت اور پیشہ وارانہ صلاحیتوں کی دل کھول کر داد دی۔متعلقہ عنوان :
مزید اہم خبریں
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.