نئی دہلی، اندرا گاندھی ائیر پورٹ کو اڑانے کی دھمکی آمیز کال

منگل 8 ستمبر 2015 13:23

نئی دہلی(اُردو پوائنٹ اخبار تازہ ترین۔ 08 ستمبر۔2015ء) اندرا گاندھی انٹر نیشنل ائیرپورٹ پر فون کال کرکے خود کو پاکستانی کہنے والے احمد نے دھمکی دی تھی کہ اگر اسے دس لاکھ روپے نہ دیئے گئے تو وہ تابکاراور دھماکا خیز مواد سے نئی دہلی ائیر پورٹ اڑا دے گا۔

(جاری ہے)

انڈین ایکسپریس کی رپورٹ کے مطابق یہ کال تھانے شہر کی ایک کال آفس سے کی گئی تھی تاہم تفتیش کرنے پر کوئی نمبر نہیں مل سکا۔

پولیس نے اسے ایک افواہ اور جھوٹی خبر قراردیتے ہوئے کہا تھا کہ سستی شہرت حاصل کرنے کے کسی بھوکے کی کال ہے۔کال کرنے والا انگریزی زبان میں گفتگو کررہا تھا جو نو منٹ تک جاری رہی اس کا کہنا تھا کہ اگر اسے دس لاکھ روپے نہ ملے تو اندرا گاندھی ائیر پورٹ پر رکھا گیا پلوٹونیم پھٹ جائے گا۔تھانے پولیس نے مقدمہ درج کرکے تفتیش شروع کردی ہے