پاک چین اکنامک کاریڈور کے ذریعے تمام علاقائی ممالک کو تجارتی اور معاشی راہداریوں کے ذریعے جوڑا جائے گا،خرم دستگیر
دہشت گردی کے خاتمے کیلئے پہلی مرتبہ عوام ، سیا سی پارٹیاں ، حکومت اور فوج ایک حکمت عملی پر متفق ہیں،احسن اقبال
منگل 8 ستمبر 2015 20:11
اسلام آباد(اُردو پوائنٹ اخبار تازہ ترین۔ 08 ستمبر۔2015ء) وفاقی وزیر تجارت انجینئر خرم دستگیر خان نے کہا ہے کہ وزیر اعظم نواز شریف کا ویژن معاشی روابط کے ذریعے خطے کی مشترکہ خوشحالی کا حصول ہے جو امن کے دیر پا قیام کیلئے ضروری ہے، پاک چین اکنامک کاریڈور کے ذریعے تمام علاقائی ممالک کو تجارتی اور معاشی راہداریوں کے ذریعے جوڑا جائے گا، پاکستان میں جمہوری اقدار تیزی سے زور پکڑ رہی ہیں اور معاشرے میں بنیادی انسانی حقوق کے حصول کا احساس پختہ ہو گیا ہے، پاکستان امن وامان اور معیشت کے حوالے سے ایک نئے دور میں داخل ہو چکا ہے،وہ امریکی تھنک ٹینک’ایسٹ ویسٹ سینٹر‘ کے توسط سے پاکستان کے دورے پر آئے مختلف ممالک کے صحافیوں سے گفتگو کررہے تھے ۔
اس موقع پر وفاقی وزیر منصوبہ بندی احسن اقبال بھی موجود تھے۔(جاری ہے)
وفاقی وزیر تجارت نے صحافیوں سے ملاقات کے دوران کہا کہ 2014سے ملک میں انتہا پسندی کے خلاف حتمی امن مشن کا آغاز ہو چکا ہے ، جس سے ملک کے طول وعرض میں امن تیزی سے بحال ہو رہا ہے، ملک کے بیشتر اقتصادی اعشاریے بہتری کی طرف گامزن ہیں جو موجودہ حکومت کی کامیاب معاشی حکمت عملی کی نشاندہی کرتے ہیں۔
انھوں نے کہا کہ پاکستان کی اقتصادی راہدایاں خطے کی تقدیر بدل دیں گی، وزیر اعظم نے ملکی باگ ڈور سنبھالنے کے فوراًبعد علاقے کے تمام ممالک کا دورہ کیا تاکہ ان ممالک سے تجارت اور سرمایہ کاری میں اضافہ کیا جا سکے۔انھوں نے کہا کہ پاکستان نے افغان ٹرانزٹ ٹریڈ کیلئے حالیہ چند ماہ میں متعدد نئی کسٹمز سہولیات فراہم کی ہیں جس کی بدولت گرتی ہوئی افغان ٹرانزٹ ٹریڈ میں اضافہ ہوا ہے۔وفاقی وزیر منصوبہ بندی احسن اقبال نے کہا کہ پاکستان کے جغرافیائی مقام کو معاشی قوت میں تبدیل کریں گے،پاکستان میں دہشت گردی کے خاتمے کیلئے پہلی مرتبہ عوام ، سیا سی پارٹیاں ، حکومت اور فوج ایک حکمت عملی پر متفق ہیں، ملک میں انتہا پسندی کو معاشی، سماجی اور مذہبی مسئلے کے طور پر دیکھ رہے ہیں جس کے خاتمے کیلئے تمام وسائل بروئے کار لا رہے ہیں۔متعلقہ عنوان :
مزید اہم خبریں
-
وفاقی وزارت خزانہ نے مارچ کی ماہانہ آؤٹ لک رپورٹ جاری کردی
-
خیبر پختونخوا کی چوبیس سرکاری یونیورسٹیاں وائس چانسلر سے محروم
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.