آصف زرداری کے خلاف ایس جی ایس ریفرنس سے متعلق اصل دستاویزات خود سوئٹزرلینڈ سے لا یا تھا ، یہ دستاویزات لاہور ہائی کورٹ میں جمع کرائیں تھیں ، یہ ریکارڈ نیب یا عدالت کے پاس ہونا چاہئے
نیب کے سابق ڈپٹی چیئرمین حسن وسیم افضل کا احتساب عدالت میں بیان
بدھ 9 ستمبر 2015 22:49
اسلام آباد ( اُردو پوائنٹ اخبار تازہ ترین۔ 09 ستمبر۔2015ء ) قومی احتساب بیورو کے سابق ڈپٹی چیئرمین حسن وسیم افضل نے احتساب عدالت میں بیان ریکارڈ کرایا ہے کہ سابق صدر آصف علی زرداری کے خلاف ایس جی ایس ریفرنس سے متعلق اصل دستاویزات وہ خود جا کر سوئٹزرلینڈ سے لائے تھے جو لاہور ہائی کورٹ میں جمع کرادیا تھا۔بدھ کو اسلام آباد کی احتساب عدالت کے جج محمد بشیر نے سابق صدر آصف زرداری کے خلاف ایس جی ایس اور کوٹیکنا ریفرنسز سے بریت کی درخواستوں پر سماعت کی۔
احتساب بیورو کے سابق ڈپٹی چیئرمین حسن وسیم افضل نے اپنے بیان میں کہا کہ غیر ملکی آف شور کمپنیوں کے ساتھ معاہدوں اور سوئس بنک اکاؤنٹس سے متعلق اصل دستاویزات وہ خود سوئٹزر لینڈ سے لائے تھے ، تمام ریکارڈ عدالت میں جمع کرا یا جو نیب یا عدالت کے پاس ہونا چاہئے۔(جاری ہے)
آصف علی زرداری اور ان کے ایجنٹ نے ایگریمنٹ کیے تھے بد قسمتی سے اس کا اوریجنل ریکارڈ آج پیش نہیں کیا گیا۔
میں نے عدالت کو بتایا ہے کہ اصل دستاویزات کی عدم موجودگی میں میری گواہی ضائع ہو جائے گی۔آصف زرداری کے وکیل فاروق ایچ نائیک نے کہا کہ ریفرنس کا اصل ریکارڈ کبھی موجود ہی نہیں تھا۔ میں سمجھتا ہوں کہ یہ تمام بیان جھوٹ پر مبنی ہے جھوٹے اور من گھڑت مقدمات بنائے گئے۔ سیاسی انتقام کا نشانہ بنایا گیا۔ حسن وسیم افضل نے عدالت کو بتایا کہ وہ 20 کرپشن ریفرنسز میں گواہ تھے مگر 19 کیسز میں گواہی ترک کر کے صرف ایس جی ایس ریفرنس میں بیان ریکارڈ کروایا گیا جس پر اکتوبر 1998 سے فروری 1999 تک 4 ماہ عدالت میں جرح کا سامنا کیا۔ فاروق ایچ نائیک نے اعتراض اٹھایا کہ گواہ کو صرف گواہی تک محدود کیا جائے۔ وکیل بن کر دلائل دینے کی اجازت نہ دی جائے۔ کیس کی مزید سماعت 22 ستمبر کو ہو گی۔ (م ل )متعلقہ عنوان :
مزید اہم خبریں
-
ترقی کی راہ میں رخنہ ڈالنے اور توجہ ہٹانے کی تمام کوششیں ناکام ہوں گی،آرمی چیف
-
پرانی قومی شاہراہ کی مرمت کاکام دسمبر تک مکمل ہوگا، سکھرحیدرآباموٹرویترجیحی منصوبہ ہے،علیم خان
-
پارلیمنٹ کو سنجیدہ لیں، اسپیکر قومی اسمبلی کی وزارتوں اور ڈویژنز کو ہدایت
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردار ایاز صادق
-
قومی معیشت کو نقصان پہنچانے والے عناصر کا احتساب ہو گا، وزیر اعظم
-
وزیر داخلہ محسن نقوی نے 3ماہ میں اسلام آباد کے تھانوں کی صورتحال بہتر کرنے کا اعلان کر دیا
-
کانگو میں پاکستانی امن دستے 20 سال بعد واپس جا رہے ہیں، اقوام متحدہ
-
پنجاب میں سموگ کے خاتمے کیلئے انوائرنمنٹل پروٹیکشن اتھارٹی بنانے کا فیصلہ
-
اسلام آباد ہائیکورٹ کے ججز کے خط کا معاملہ،سپریم کورٹ ازخودکیس کی سماعت30اپریل مقرر
-
مذہبی سیاحت کو فروغ دے کرسکھوں سمیت مذہبی مقامات پرغیرملکیوں کو راغب کیا جاسکتا ہے ، وفاقی وزیرداخلہ محسن نقوی
-
بچوں کا اغوا مافیاز کے لیے منافع بخش تجارت
-
ملائشیا: مہاتیر محمد کو انسداد بدعنوانی تحقیقات کا سامنا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.