اسٹریٹ کرائم کی روک تھام کے لیے پنجاب حکومت نے ڈولفن فورس تیار کر لی

سمیرا فقیرحسین جمعرات 10 ستمبر 2015 11:14

لاہور (اُردو پوائنٹ تازہ ترین اخبار. 10 ستمبر 2015 ء) : پنجاب حکومت نے صوبے میں امن کے قیام کے لیے ایک نئی فورس تشکیل دی ہے جس کا نام ڈولفن فورس رکھا گیا ہے۔

(جاری ہے)

تفصیلات کے مطابق اس فورس کی ٹریننگ فی الحال جاری ہے، ڈولفن فورس کا رسپانس ٹائم 7 منٹ مقرر کیا گیا ہے جبکہ فورس کی تربیت ٹریفک پولیس لائن میں کی جا رہی ہے جہاں 500 cc موٹر سائیکلوں پر سوا ر ڈولفن فورس کے نوجوانوں کو جرائم پیشہ افراد کو دبوچنے، موٹر سائیکل چلاتے ہوئے پستول کے استعمال اور فوری طور پر تنگ گلیوں میں بھی جرائم پیشہ افراد تک رسائی حاصل کرنے کی ٹریننگ دی جا رہی ہے۔

ڈولفن فورس کی ٹریننگ تُرکی کے تربیت یافتہ ٹرینرز کر رہے ہیں جس کے تحت ان کو قابل بنانے اور پولیس فورس کا منفی امیج زائل کرنے پر بھر پور توجہ دی جار ہی ہے۔ متعلقہ حکام کے مطابق ڈولفن فورس کا مقصد شہریوں کو مکمل تحفظ کی فراہمی اور جرائم پیشہ افراد پر خوف طاری رکھنا ہے جبکہ ٹریننگ مکمل ہوتے ہی ڈولفن فورس کو عملی میدان میں جلد اتارنے کی توقع کی جا رہی ہے تاکہ شہریوں میں احساس تحفظ پیدا کیا جا سکے۔ ٹریننگ حاصل کرتے نوجوان شہریوں کی حفاظت اور ان کی شکایات کا جلد ازالہ کرنے کے لیے بھی پُر عزم ہیں۔

Facebook Twitter Google + Share on Whatsapp

اسٹریٹ کرائم کی روک تھام کے لیے پنجاب حکومت نے ڈولفن فورس تیار کر لی

متعلقہ عنوان :

مزید اہم خبریں