یو ایس اوپن : سرینا ولیمز کا سال کا چوتھا گرینڈ سلم جیتنے کا خواب پورا نہ ہوسکا ، سٹیفی گراف کا ریکارڈ بھی برابر نہ کرسکی

ہفتہ 12 ستمبر 2015 11:54

نیویارک(اُردو پوائنٹ اخبار تازہ ترین۔ 12 ستمبر۔2015ء) یو ایس اوپن سیمی فائنل راؤنڈ سرینا ولیمز کا چوتھا گرینڈ سلم جیتنے کا خواب پورا نہ ہوسکا ، اٹلی کی روبرٹا ونچی کے ہاتھوں شکست ۔سیمی فائنل میں عالمی نمبر 43 روبرٹا ونچی نے ورلڈ نمبر ون سرینا کو دو چھ، چھ چار اور چھ چار سے شکست دی۔33 سالہ سرینا ولیمز اگر یہ ٹورنامنٹ جیت جاتیں تو وہ جرمنی کی سٹیفی گراف کے بعد پہلی خاتون بن جاتی جنھوں نے ایک سال میں چاروں گرینڈ سلیم خطاب حاصل کیا ہو۔

روبرٹا ونچی کا مقابلہ سنیچر کو اپنی ہم وطن فلاویا پنیٹا سے ہو گا جنھوں نے سیمی فائنل میں رومانیہ کی سیمونا کو چھ ایک، چھ تین سے شکست دی تھی۔یو ای اوپن کے 1968 کے آغاز کے بعد سے یہ پہلا موقع ہو گا جب فائنل کھیلنے والی دونوں کھلاڑیوں کا تعلق اٹلی سے ہو گا۔

(جاری ہے)

سیمی فائنل جیتنے کے بعد روبرنا ونسی نے کہا:’یہ بہت شاندار میچ تھا۔ میں پہلا سیٹ ہار گئی اور ہر پوائنٹ میں رہنے کی کوشش کر رہی تھی، میری کوشش تھی کہ سرینا کے بارے میں سوچنے کی بجائے میچ پر پوری توجہ دی جائے۔

‘میچ کے بعد سرینا ولیمز نے نیوز کانفرنس سے خطاب میں کہا:’میں اس بارے میں بات نہیں کرنا چاہتی کہ یہ میرے لیے کتنی مایوسی کی بات ہے۔ اگر آپ کے پاس کوئی اور سوال ہے تو میں اس کا جواب دینے کے لیے تیار ہوں۔سال کا چوتھا گرینڈ سلام جیتنے کے حوالے سے کسی ذہنی دباوٴ کے بارے میں پوچھے گئے ایک سوال کے جواب میں انھوں نے کہا کہ’ میں نے دباوٴ محسوس نہیں کیا اور نہ کبھی یہ محسوس کیا کہ دباوٴ کے نتیجے میں آپ یہاں جیت سکتے ہیں اور یہ میں یہ شروع سے ہی کہہ رہی تھی۔‘

Facebook Twitter Google + Share on Whatsapp

یو ایس اوپن : سرینا ولیمز کا سال کا چوتھا گرینڈ سلم جیتنے کا خواب پورا نہ ہوسکا ، سٹیفی گراف کا ریکارڈ بھی برابر نہ کرسکی

مزید کھیلوں کی خبریں