سلمان خان کترینہ کیساتھ کام کرنے کے خواہشمند

ممبئی(اُردو پوائنٹ اخبار تازہ ترین۔ 12 ستمبر۔2015ء) بالی ووڈ سپر اسٹار سلمان خان اپنی آئندہ فلم میں بالی ووڈ باربی ڈول کترینہ کیف کے ساتھ کام کرنے کی خواہش کا اظہار کیا ہے۔ فلمی حلقوں میں خبرگردش کر رہی ہے کہ سلمان خان اور کترینہ کیف اتل اگنی ہوتری کی آنے والی فلم میں پھر ایک ساتھ جلوہ گر ہورہے ہیں۔ سلمان خان نے بھارتی خبر رساں ادارے کو بتایا کہ وہ اتل اگنی ہوتری کی فلم میں کام کررہے ہیں لیکن وہ اس حوالے سے بات نہیں کرسکتے۔

(جاری ہے)

کترینہ کیف نے اس فلم میں آئٹم سانگ کیا تھا۔ ایک سوال کے جواب میں سلمان خان کا کہنا تھا کہ فلم میں کترینہ ہوئی تو انہیں اچھا لگے گا، لیکن وہ اس بارے میں نہیں جانتے۔ فلم ایکشن سے بھرپور لو اسٹوری ہوگی جسے کبیر خان ڈائریکٹ کریں گے۔ اگر کترینہ فلم میں کام کرنے پر رضامند ہوجاتی ہیں تو یہ سلمان اور کترینہ کی پارٹنر، یووراج ، میں نے پیار کیا اور ایک تھا ٹائیگر کے بعد پانچویں فلم ہوگی۔ فی الحال سلمان خان اپنی ہوم پروڈکشن ہیرو کی پروموشن میں مصروف ہیں۔ واضح رہے کہ بالی وڈ کے سپر سٹار سلمان خان نے سال 2012 میں آئی فلم ایک تھا ٹائیگر کے بعد سے اداکارہ قطرینہ کیف کے ساتھ کام نہیں کیا ہے۔