لیاری سے تعلق رکھنے والے سماجی رہنما غلام نبی آفشاری کی ساتھیوں سمیت تحریک انصاف میں شمولیت کا اعلان
ہفتہ 12 ستمبر 2015 21:07
کراچی(اُردو پوائنٹ اخبار تازہ ترین۔ 12 ستمبر۔2015ء) پاکستان تحریک انصاف ڈسٹرکٹ ساؤتھ کے آرگنائزر و رکن صوبائی اسمبلی خرم شیر زمان نے کہا ہے کہ سندھ میں حکمران ٹولے کے اربوں روپے کی کرپشن نے ملک کی بنیادیں ہلاکر رکھ دیں ہیں۔ سندھ میں حکومت نام کی کوئی چیز نظر نہیں آ رہی ہر طرف لوٹ مار اور اقرباء پروری کا بازار گرم ہے۔ کرپٹ حکمرانوں اور بیوروکریسی کا کڑا احتساب وقت کی اہم ضرورت ہے ۔
یہ باتیں انہوں نے گزشتہ روز اپنے دفتر واقع ڈیفنس میں لیاری کے علاقہ بغدادی یونین کونسل 7 سے تعلق رکھنے والے سماجی رہنما غلام نبی آفشاری کی ساتھیوں سمیت تحریک انصاف میں شمولیت کے موقع پر خطاب کرتے ہوئے کہیں ۔ اس موقع پر تحریک انصاف ضلع ساؤتھ کے رہنما حاجی اصغر ، حبیب اﷲ اور دیگر رہنما بھی موجود تھے۔(جاری ہے)
خرم شیر زمان نے مزیدکہا کہ لیاری کے عوام پیپلز پارٹی کے کھوکھلے نعروں سے مزید بے وقوف نہیں بنیں گے۔
ماضی میں لیاری کو پیرس بنانے کے دعوے کرنے والے حکمرانوں نے لیاری کے نوجوانوں کو آپس میں دست گریبان کیا۔ لیاری کے امن کو تباہ و برباد کرنے کی ذمہ دار پیپلز پارٹی ہے۔ لیاری محب وطن اور پر امن شہریوں کا علاقہ ہے ۔ مفاد پرست اور نا اہل قیادت نے اپنے مفادات کے حصول کے لئے لیاری کے عوام سے ہمیشہ ووٹ لے کر اقتدار میں پہنچنے کے بعد پیچھے مڑ کر بھی نہیں دیکھا۔تحریک انصاف کی سیاست زبان اور مسلک سے بالاتر ہو کر پر امن کراچی کے لئے ہے۔ اس موقع پر غلام بنی آفشاری نے کہا کہ پیپلز پارٹی نے کئی دہائیوں سے لیاری کی عوا م کو دھوکہ دیا ۔لیاری کے نوجوان تعلیم اور روزگار کے حصول کے لئے در بدر کی ٹھوکریں کھا رہے ہیں۔ جس طرح پورے پاکستان کے نوجوان تحریک انصاف کی طرف دیکھ رہے ہیں اسی طرح لیاری کے نوجوان بھی اپنے مستقبل کی ترقی اور خوشحالی کے لئے تحریک انصاف کے چیئر مین عمران خان کے ہاتھ مضبوط کرنا چاہتے ہیں ۔انہوں نے مزید کہا کہ چیئر مین عمران خان کے نظریہ اور پیغام کو لیاری کی گلی گلی اور گھر گھر پہنچانے کے لئے لیاری کے نوجوان تحریک انصاف کے ہر اول دستے کا کردار ادا کریں گے ۔متعلقہ عنوان :
مزید قومی خبریں
-
حکومت کی اقتصادی حکمت عملی میں صنعتی ترقی اور برآمدات کا فروغ اولیں ترجیح ہے، بجٹ میں صنعتی پالیسی لا رہے ہیں‘رانا تنویر حسین
-
وزیرِاعلی سندھ نے پیپلزبس سروس آٹو میٹڈ فیئر کلکشن سسٹم کا افتتاح کر دیا
-
حکومت کسانوں، گندم کے مسئلے پر بہت فکر مند ہے‘ احسن اقبال
-
وزیراعلیٰ مریم نوازشریف کا راجن پور میں 8 سالہ بچی سے زیادتی کے واقعہ کا نوٹس
-
پاکستان انٹرنیشنل ایئرلائن آمدہ حج سیزن کے دوران تقریبا ً34 ہزار عازمین حج کو 170 پروازوں کے ذریعے حجازمقدس پہنچائے گی
-
وزیرمواصلات عبدالعلیم خان کا سمبڑیال کھاریاں موٹروے کا فضائی دورہ
-
9 مئی واقعات کی شفاف تحقیقات کے بغیرملک آگے نہیں بڑھ سکتا ، زرتاج گل
-
کلر کہار، ڈرائیور اپنے کی ٹریکٹر کی زد میں آ کر جاں بحق
-
9 مئی: عمرسرفرازچیمہ کی درخواست ضمانت پرسرکاری وکیل سے دلائل طلب
-
9 مئی : ڈاکٹر یاسمین راشد کی ضمانت کی درخواستوں پر پراسیکیوشن کو کل تک مہلت
-
ٹرانسپورٹرز کے جائز مسائل حل کئے جائیں گے ،انسداد سمگلنگ کارروائی جاری رہے گی ،میرسرفرا زبگٹی
-
گورننس کی بہتری کیلئے اقدامات اٹھا ئے جا رہے ہیں ،سول سروسز کے تمام گروپس کو ساتھ دینا ہوگا،وزیر اعلی بلوچستان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.