پی آئی اے انتظامیہ نے وزیراعظم کی منظوری کے بغیر 18 لاکھ روپے ماہانہ تنخواہ پر چیف لیگل آفیسر کو دو سال کیلئے تعینات کر دیا
کنٹریکٹ کے اختتام پر 72 لاکھ روپے بطور گریجوٹی بھی ادا کئے جائیں گے، آڈٹ حکام نے تعیناتی کا نوٹسلے لیا،پرنسپل اکاؤنٹس آفیسر کو 10 دنوں میں رپورٹ فراہم کرنے کی ہدایت
اتوار 13 ستمبر 2015 17:22
اسلام آباد (اُردو پوائنٹ اخبار تازہ ترین۔ 13 ستمبر۔2015ء) پی آئی اے انتظامیہ نے وزیراعظم کی منظوری کے بغیر 18 لاکھ روپے ماہانہ کی بنیاد پر چیف لیگل آفیسر کو دو سال کیلئے کنٹریکٹ کی بنیاد پر تعینات کر لیا ہے۔ کنٹریکٹ کے اختتام پر 72 لاکھ روپے بطور گریجوٹی بھی ادا کئے جائیں گے۔ آڈٹ حکام نے تعیناتی کا نوٹس لیتے ہوئے پرنسپل اکاؤنٹس آفیسر کو 10 دنوں میں رپورٹ فراہم کرنے کی ہدایت کر دی ہے۔
آن لائن کو موصولہ دستاویزات کے مطابق پی آئی اے انتظامیہ نے 61 سال سے زائد عمر کے شخص وسیم باری سلیمی کو چیف لیگل آفیسر کی حیثیت سے 16 جنوری 2014ء کو دو سالہ کنٹریکٹ پر تعینات کیا اور ماہانہ تنخواہ کے طور پر 18 لاکھ روپے ادائیگی کی منظوری دی گئی نہ صرف یہ بلکہ ہر سال کے اختتام پر 2 ماہ کے برابر گریجویٹی دینے کی بھی منظوری دی گئی۔(جاری ہے)
آڈٹ حکام نے تعیناتی پر اعتراضات کرتے ہوئے کہا کہ پنشن کی عمر تک پہنچ جانے کے بعد دوبارہ تعیناتی کیلئے وزیراعظم کی منظوری ضروری ہے جبکہ مذکورہ تعیناتی کیلئے نہ تو پی آئی اے نے کوئی اشتہار جاری کیا تھا اور نہ ہی پی آئی اے میں چیف لیگل آفیسر کی تعیناتی کی منظوری دی گئی تھی۔
آڈٹ حکام نے ماہانہ تنخواہ پر بھی اعتراض کرتے ہوئے لکھا ہے کہ مذکورہ تنخواہ ڈائریکٹر کی تنخواہ سے بھی زیادہ ہے جو کہ 2 سالہ معاہدہ پورا ہونے پر ادارے کو 4 کروڑ 32 لاکھ روپے ادا کرنے پڑیں گے آڈٹ حکام نے پی آئی اے انتظامیہ کو چیف لیگل آفیسر کی تعیناتی کے مقاصد اور حل شدہ مقدمات کی تفصیلات فراہم کرنے کی ہدایت کی ہے۔مزید قومی خبریں
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
عوام بے خوابی سے بچنے کیلئے چائے کا بائیکاٹ کریں،عبد الرحیم جانو
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
پرائیویٹ اسکیم کے تحت حجاج اکرام کی بکنگ تاحال جاری ہے ختم نہیں ہوئی،طاہر محمود اشرفی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.