پاکستانی نژاد بر طانوی باکسر عامر خان دنیا سے مایوس پناہ گزینوں کیلئے میدان میں آگئے

منگل 15 ستمبر 2015 12:47

لندن (اُردو پوائنٹ اخبار تازہ ترین۔ 15 ستمبر۔2015ء) پاکستانی نژاد بر طانوی باکسر عامر خان شامی مہاجرین کیلئے میدان میں آگئے ہیں اور برطانیہ بھر میں موجود ان کے فینز اور چاہنے والوں سے اکٹھے ہونیوالے کپڑوں ، جوتوں ، ٹینٹس اور جسمانی صفائی ستھرائی کیلئے استعمال ہونیوالی چیزوں سے بھرے ٹرکوں کیساتھ روانہ ہوں گے اور اس قافلے میں مزید لوگ بھی شریک ہوسکتے ہیں۔

یہ قافلہ ان کے گھر بولٹن سے چار روز کیلئے روانہ ہوگا اور یورپ بھر سے امداد جمع کرے گا، عامر خان اکٹھی ہونیوالی امداد ذاتی طورپر لیسبوس کے جزیرے پر موجود مہاجرین میں تقسیم کریں گے۔عامر خان کاکہناتھاکہ یہ قافلہ ہر ایک کیلئے کچھ کرنے کا بہترین موقع ہے ، جبکہ عامر خان فاؤنڈیشن نے غربت کے خلاف ’ایک پیسہ ‘ اپیل بھی کردی۔

(جاری ہے)

28سالہ عامر خان نے ترکی کے ساحل پر گزشتہ دنوں جاں بحق ہونیوالے بچے ایلان کردی کی ہلاکت کی تصویریں دیکھنے کے بعدگزشتہ روز اپنے ایک ویڈیو پیغام میں بے سر و سامان مہاجروں کیلئے امداد کی اپیل کی،ا نکا کہنا تھا کہ ایک تین سالہ بچے کی ساحل پر لاش دل کو جھنجھوڑنے والا منظر تھا۔

اس سے بھی زیادہ تکلیف دہ بات یہ ہے کہ اگر بروقت دیگر متاثرین کی ہنگامی بنیادوں پر مدد نہ کی گئی تو مزید کئی جانوں کے ضیاع کا خدشہ ہے ، ہمیں جرمنی سمیت مختلف ممالک سے پناہ گزینوں کیلئے ہونیوالے اقدامات کی خبریں مل رہی ہیں اور وہ جانتے ہیں کہ برطانیہ میں لوگ بھی سخی اور اس سوچ کے حامل ہیں۔

Facebook Twitter Google + Share on Whatsapp

پاکستانی نژاد بر طانوی باکسر عامر خان دنیا سے مایوس پناہ گزینوں کیلئے میدان میں آگئے

مزید کھیلوں کی خبریں