مری معاہدہ ایک حقیقت،صوبہ کی سیاسی صورتحال کو مدنظر رکھتے ہوئے عملدرآمد ناگزیر ہے،صوبائی وزراء و ایم پی ایز
بلوچستان کو ترقی و خوشحالی کی راہ پر گامزن کرنے کیلئے ضروری ہے ثناء اﷲ خان زہری کی سیاسی بصیرت سے استعفادہ حاصل کیاجائے،جان محمد جمالی ، احمد علی و دیگر کا اظہار خیال
بدھ 7 اکتوبر 2015 23:12
کوئٹہ(اُردو پوائنٹ اخبار تازہ ترین۔ 08 اکتوبر۔2015ء) پاکستان مسلم لیگ (ن) کے صوبائی وزراء اور اراکین اسمبلی نے کہا ہے کہ مری معاہدہ ایک حقیقت ہے جس پر صوبہ کی سیاسی صورتحال کو مدنظر رکھتے ہوئے عملدرآمد ناگزیر ہے بلوچستان کو ترقی و خوشحالی کی راہ پر گامزن کرنے کیلئے ضروری ہے کہ چیف آف جھالاوان نواب ثناء اﷲ خان زہری کی سیاسی بصیرت سے استعفادہ حاصل کیاجائے سابق اسپیکر رکن صوبائی اسمبلی میر جان محمد جمالی نے کہا کہ مری معاہدے پر عملدرآمد صوبہ میں جمہوری استحکام کیلئے انتہائی ضروری ہے میں سمجھتا ہوں کہ نہ صرف مری معاہدے پر عملدرآمد میں وزیراعلیٰ کی تبدیلی کیساتھ ساتھ جو وزارتیں اس وقت پشتونخواملی عوامی پارٹی اور نیشنل پارٹی کے پاس ہیں انہیں بھی مسلم لیگ گروپ کو دیا جائے اور جو مسلم لیگ گروپ کے پاس وزارتیں ہیں وہ ان اتحادیوں کو دی جائیں تاکہ نہ صرف ایک مثبت تبدیلی آئے بلکہ محکموں کو بہتری کی جانب گامزن کرنے میں معاونت حاصل ہو سکے اور اگر ایسا کرنے سے گریز کیا جاتا ہے تو یہ بڑی تبدیلی کا باعث نہیں بنے گی انہوں نے کہا کہ مری معاہدے پر عملدرآمد ہو گا تو اعتماد کی فضاء کو فروغ حاصل ہوگا بلوچستان میں ہمیشہ سے مخلوط حکومتیں برسراقتدار رہیں جس میں سب سے اہمیت کا حامل اعتماد کا امر ہے اور اگر اعتماد کے فقدان کا سامنا کرنا پڑا تو اس سے جمہوریت کو نقصان پہنچ سکتا ہے لہٰذا ہم سمجھتے ہیں کہ مری معاہدے پر عملدرآمد جمہوری استحکام کیلئے ضروری ہے رکن صوبائی اسمبلی پرنس احمد علی نے کہا کہ مری معاہدہ پاکستان مسلم لیگ (ن) کی مرکزی و صوبائی قیادت نے صوبہ کے وسیع تر مفاد میں کیا تھا کیونکہ ہم سمجھتے ہیں کہ بلوچستان کے معاہدہ حالات میں سیاسی و جمہوری استحکام کو فروغ دینا ضروری ہے ہمارے پارلیمانی لیڈر چیف آف جھالاوان نواب ثناء اﷲ خان زہری نے وزیراعظم سے مشاورت کے بعد صوبہ میں قوم پرست جماعتوں کو حکومت بنانے پر رضامندی ظاہر کی اور آج مری معاہدے کے تحت ان کا وقت پورا ہورہا ہے اور ہم سمجھتے ہیں کہ جس طرح صوبہ کے مفادات کو مدنظررکھتے ہوئے ہماری مرکزی و صوبائی قیادت نے اقدامات کئے اب بھی انہی مفادات کو مدنظررکھتے ہوئے مری معاہدے پرعملدرآمد کیا جائے گا پاکستان مسلم لیگ (ن) کے تمام اراکین اسمبلی اپنی قیادت پر مکمل اعتمادکا اظہار کرتے ہوئے متحد ہیں اورہم سمجھتے ہیں کہ ہماری پارٹی کے قائد میاں محمد نوازشریف اس فیصلے پر عملدرآمد کرتے ہوئے چیف آف جھالاوان نواب ثناء اﷲ زہری کو وزارت اعلیٰ کے عہدے پر فائز کریں گے رکن اسمبلی میر عامر رند نے کہا کہ ہم اپنے پارلیمانی لیڈر نواب ثناء اﷲ خان زہری کے شانہ بشانہ کھڑے ہیں اورہم سمجھتے ہیں کہ جمہوری طرز سیاست میں سیاسی جماعتوں کے مابین ہونے والے معاہدات سیاسی جمہوری سیاست کو استحکام بخشتے ہیں ہماری جماعت نے سیاسی تقاضوں کو مدنظررکھتے ہوئے مری معاہدے پر عملدرآمد کیا اور اب وقت آچکا ہے کہ ہمارے اتحادی بھی سیاسی جمہوری تقاضوں کو مدنظررکھتے ہوئے اس پر عملدرآمد کو یقینی بنائیں مری معاہدے کے تحت جو بھی فیصلے ہونگے ہم اس کے پابند ہیں اورہم سمجھتے ہیں کہ پاکستان مسلم لیگ (ن) بلوچستان کو ترقی اور خوشحالی کی راہ پر گامزن کرنے کی واضح پالیسیوں کر عمل پیرا رہتے ہوئے اقدامات اٹھائے گی۔
متعلقہ عنوان :
مزید اہم خبریں
-
صدر آصف علی زرداری نے ترک چیف آف جنرل سٹاف جنرل متین گورک کو نشان امتیاز ملٹری سے نوازا
-
اسٹریمنگ سروس نیٹ فلکس کے ناظرین نصف بلین ہو گئے
-
مہنگائی کی شرح میں کمی کے باوجود 22 اشیائے ضروریہ مہنگی ہوگئیں
-
وزیراعظم کو افغان ٹرانزٹ ٹریڈ کے حوالہ سے قائم کمیٹی کی رپورٹ پیش، شہبازشریف کی چینی سمیت دیگر سمگلنگ کے خاتمہ کی ملک گیر مہم تیز کرنے کی ہدایت
-
پاکستان سے لوٹا ہوا پیسہ واپس لایا جائے تو ڈالر 50 روپے کا ہو جائیگا، شعیب شاہین
-
عمران خان، بشریٰ بی بی کا نجی ہسپتال سے میڈیکل چیک اپ کرانے کا حکم
-
پی ٹی آئی عوام کا نہیں سوچ رہی بلکہ اپنے لیڈر کو این آراودلوانے کیلئے ڈٹی ہوئی ہے
-
مشرق وسطیٰ میں کشیدگی، تیل کی قیمتوں میں اضافہ
-
پاکستان میں مریضوں کے لیے ویزا فری انٹری، افغان باشندے خوش
-
لانڈھی میں غیر ملکیوں کی گاڑی پر خودکش حملے میں استعمال ہونے والی موٹرسائیکل کی تفصیلات سامنے آگئیں
-
خودکش حملے میں دہشت گرد کو مارنے والے پولیس اہلکار کا بیان سامنے آگیا
-
عالمی ٹیکنالوجی کمپنی ”میٹا “ پاکستان اور بھارت سمیت متعدد ممالک میں واٹس ایپ پر اے آئی چیٹ بوٹس متعارف کروادیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.