مجھے اپنے لیے گلوکار کی ضرورت نہیں‘ سلمان خان

منگل 13 اکتوبر 2015 11:34

ممبئی (اُردو پوائنٹ اخبار تازہ ترین۔ 13 اکتوبر۔2015ء)بالی ووڈ دبنگ اداکار سلمان خان کا کہنا ہے کہ ان کی آواز اچھی ہے جو ٹیکنالوجی کی مدد سے اور بہتر ہوسکتی ہے اور انہیں اپنے لیے گلوکار کی ضرورت نہیں۔بولی وڈ لائف کے مطابق حال ہی میں سلمان خان کو گلوکاری کے ایونٹ میں مدعو کیا گیا تھا جس کے میزبان ہندوستانی گلوکار سونو نگم تھے۔

(جاری ہے)

اس ایونٹ کے دوران سلمان خان کو جب اسٹیج پر دعوت دی گئی تو اداکار کا کہنا تھا کہ انہیں بلانے کے لیے کسی پلے بیک گلوکار کی ضرورت نہیں ہے۔

سلمان کا مزید کہنا تھا کہ ان کی آواز اچھی ہے جو ٹیکنالوجی کی مدد سے مزید بہتر ہوسکتی ہے اور وہ اپنے گانے خود گا سکتے ہیں۔سلمان خان کے مطابق گلوکاروں کا کام نہایت آسان ہوتا ہے۔سلمان کی اس بات کو سننے کے بعد وہاں موجود شو کے میزبان سونو نگم کو ان کی یہ بات پسند نہ آئی جس کے بعد ایونٹ میں سلمان اور سونو کا آگے ہونے والا ایک سیگمنٹ منسوخ کرنا پڑا۔یاد رہے کہ سلمان خان اس سے قبل اپنی فلم ”کک“ اور’ ’ہیرو“ میں گانا گا چکے ہیں۔

Facebook Twitter Google + Share on Whatsapp

مجھے اپنے لیے گلوکار کی ضرورت نہیں‘ سلمان خان

مزید فن و فنکار کی خبریں