شاہ رخ نے کاجول اور خود کو دنیا کا بدترین ڈانسر قرار دیدیا

جمعرات 15 اکتوبر 2015 12:17

ممبئی(اُردو پوائنٹ اخبار تازہ ترین۔ 15 اکتوبر۔2015ء) بالی ووڈ کے کنگ شاہ رخ خان نے اپنی اور کاجول کی جوڑی کو بد ترین ڈانسر قرار دے دیا۔بالی ووڈ اداکار شاہ رخ خان اور کاجول کی جوڑی انڈسٹری کی سب سے کامیاب ترین جوڑی ہے جس نے کئی سپر ہٹ فلموں میں اداکاری کے جوہر دکھائے ہیں جب کہ دونوں اداکار اس وقت فلمساز روہت شیٹھی کی فلم ”دل والے“ کی شوٹنگ میں مصروف ہیں تاہم کنگ خان نے کاجول کے ساتھ اپنی جوڑی کو بد ترین ڈانسر قرار دیا ہے۔

(جاری ہے)

اداکار شاہ رخ خان کا سماجی رابطوں کی ویب سائٹ ٹوئٹر پر اپنے بیان میں کہنا تھا کہ وہ ایمانداری سے اعتراف کرتے ہیں کہ وہ اور کاجول دنیا کے بد ترین ڈانسر ہیں۔واضح رہے کہ اداکار شاہ رخ خان اور کاجول فلمساز روہت شیٹھی کی فلم”دل والے“ کی شوٹنگ کے سلسلے میں بھارتی شہر حیدر آباد میں مصروف ہیں جبکہ فلم 18 دسمبر کو ریلیز ہوگی۔

Facebook Twitter Google + Share on Whatsapp

شاہ رخ نے کاجول اور خود کو دنیا کا بدترین ڈانسر قرار دیدیا

مزید فن و فنکار کی خبریں