نیب کا سابق وفاقی وزیر ارباب عالمگیر اور اہلیہ کے خلاف انکوئری کا فیصلہ

سمیرا فقیرحسین بدھ 21 اکتوبر 2015 16:45

اسلام آباد(اُردو پوائنٹ تازہ ترین اخبار. 21 اکتوبر 2015 ء) : چئیر مین نیب کی زیر صدارت نیب ایگزیکٹو بورڈ کمیٹی کا اجلاس ہوا . اجلاس میں سابق وفاقی وزیر ارباب عالمگیر اور ان کی اہلیہ عاصمہ عالمگیر کے خلاف انکوائری کا فیصلہ کیا گیا ہے . نیب ذرائع کے مطابق ارباب عالمگیر اور ان کی اہلیہ پر آمدن سے زائد اور بے نام اثاثے بنانے کے الزامات ہیں.

(جاری ہے)

ارباب عالمگیر پیپلز پارٹی کے دورٍ حکومت میں وفاقی وزیر مواصلات تھے.

علاوہ ازیں نیب نے سابق صوبائی وزیر بلوچستان محمد امین عمرانی اور سابق صوبائی وزیر سندھ پیر مظہر الحق کے خلاف بھی تحقیقات کا حکم دے دیا ہے . نیب کا کہنا ہے کہ تمام رہنماؤں کے خلاف غیر قانونی اثاثے بنانے اور بھرتیاں کرنے کا الزام ہے. اجلاس میں کرپشن کی مزید تحقیقات کا بھی جائزہ لیا گیا ہے.

Facebook Twitter Google + Share on Whatsapp

نیب کا سابق وفاقی وزیر ارباب عالمگیر اور اہلیہ کے خلاف انکوئری کا فیصلہ

متعلقہ عنوان :

مزید اہم خبریں