جنوبی افریقی ڈومیسٹک کرکٹ میں کرپشن کی اطلاعات پر تحقیقات کا آغاز

ہفتہ 7 نومبر 2015 12:38

جوہانسبرگ (اردو پوائنٹ تازہ تر ین اخبار7نومبر۔2015ء ) جنوبی افریقہ کےکرکٹ بورڈ کی جانب سے جاری اعلامیے کے مطابق ڈومیسٹک کرکٹ میں کرپشن سے متعلق تحقیقات کا آغاز کیا گیا ہے ، تحقیقات کا آغاز بین الاقوامی سنڈیکیٹ کے کرپشن میں ملوث ہونے کی اطلاعات کے بعد کیا گیا ہے ۔

(جاری ہے)

بورڈ کے اعلامیے کے مطابق یہ تحقیقات ساؤتھ افریقا کرکٹ کا اینٹی کرپشن یونٹ کرے گا اور اس میں آئی سی سی اور پولیس کی معاونت بھی حاصل ہوگی ۔ کرکٹ ساؤتھ افریقا کے چیف ایگزیکٹو ہارون لورگاٹ کا کہنا تھا کہ ہر سطح پر کرکٹ کی شفافیت قائم رکھنے کے لیے پرعزم ہیں اور تمام کھلاڑی اور سپورٹ سٹاف کرپشن کے بچاؤ کے اقدامات سے آگاہ ہیں اور کرپشن کا شکار ہونے کی صورت میں اس کے نتائج بھی بخوبی جانتے ہیں ۔

Facebook Twitter Google + Share on Whatsapp

جنوبی افریقی ڈومیسٹک کرکٹ میں کرپشن کی اطلاعات پر تحقیقات کا آغاز

متعلقہ عنوان :

مزید کھیلوں کی خبریں