مکہ مکرمہ میں خانہ کعبہ کو غسل دینے کی روح پرور تقریب ہوئی،بڑی تعداد میں دنیا بھر سے آئے ہوئے فرزندان اسلام نے دیکھا اور روحانی فیض حاصل کیا
خانہ کعبہ میں داخلے کی اجازت صرف مخصوص اجازت ناموں والوں کو ہی دی گئی مکہ کے گورنر شہزادہ خالد الفیصل نے خانہ خدا کو غسل دیا، خانہ کعبہ کو 45 لیٹر معطر زم زم کے پانی سے غسل دیا گیا
اتوار 8 نومبر 2015 15:05
مکہ مکرمہ (اُردو پوائنٹ اخبارتازہ ترین - این این آئی۔8 نومبر۔2015ء) مکہ مکرمہ میں خانہ کعبہ کو غسل دینے کی روح پرور تقریب ہوئی جسے وہاں موجود بڑی تعداد میں دنیا بھر سے آئے ہوئے فرزندان اسلام نے دیکھا اور روحانی فیض حاصل کیا تاہم اس موقع پر خانہ کعبہ میں داخلے کی اجازت صرف مخصوص اجازت ناموں والوں کو ہی دی گئی۔سعودی عرب کے فرمانروا خادم الحرمین الشریفین کی نیابت میں مکہ ریجن کے گورنر شہزادہ خالد الفیصل نے خانہ خدا کو غسل دیا۔
خانہ کعبہ کو غسل دینے کی تقریب سال میں دو مرتبہ ہوتی ہے۔کعبہ کے متولی خاندان کے سربراہ شیخ صالح بن زین العابدین الشیبی نے بتایا کہ خانہ کعبہ کو 45 لیٹر معطر زم زم کے پانی سے غسل دیا گیا۔ خانہ خدا کو غسل دینے کی یہ تقریب نماز فجر کے بعد ادا کی جاتی ہے۔(جاری ہے)
الشیبی نے کہا کہ کعبہ کو مکمل غسل دینے کا عمل دو گھنٹے میں مکمل ہوتا ہے۔ خانہ کعبہ کے اندر نماز ادا کرنے کا درجہ بہت زیادہ ہے۔
آخری پیغمبر صلی اللہ علیہ وسلم نے بذات خود خانہ کعبہ کے اندر نماز ادا فرمائی۔انہوں نے بتایا کہ خانہ کعبہ کی اندرونی دیواریں تین میٹر بلند اس کی چھت کی اندرونی سطح سبز ریشمی کپڑے سے ڈھکی ہوئی ہے۔الشیخ الشیبی نے کہاکہ اتوار ہی کے روز مقام حضرت ابراہیم علیہ السلام کو بھی غسل دیا گیا۔ اس جگہ پر حضرت ابراہیم کے قدموں کے وہ نشان محفوظ ہیں جب وہ کعبہ کی تعمیر کر رہے تھے۔ مقام ابراہیم کو بھی زم زم کے خوشبو ملے پانی سے غسل دیا جاتا ہے۔ اس جگہ کی مکمل صفائی میں چار گھنٹے صرف ہوتے ہیں۔انہوں نے بتایا کہ کعبہ اللہ کی دیکھ بھال صدیوں سے ہماری خاندانی روایت ہے۔ کعبہ کے بیشتر متولی ہمارے خاندان سے تعلق رکھتے ہیں اور صدیوں سے یہی خاندان کعبہ کا کلید بردار چلا آ رہا ہے۔ فی الوقت میں ہی اللہ کے گھر کا کلید بردار ہوں۔الشیخ الشیبی کا مزید کہنا تھا کہ خانہ کعبہ کی کلید 25 سینٹی میٹر لمبی ہے اور اللہ کے گھر کا دروازہ غسل کے لئے کھولنے اور بند کرنے کا اختیار صرف مجھے ہی ہے۔ غسل کے بعد خادم الحرمین الشریفین اور دوسرے ملکوں سے آنے والے چنیدہ سفارتی مسلمان مہمانوں کی کعبہ کے اندر نماز کے بعد میں ہی اسے بند کرتا ہوں۔واضح رہے کہ نبی آخرالزمان ﷺ نے خود اس الشیبی خاندان کو خانہ کعبہ کی چابی دی تھی اور فرمایا تھا کہ یہ چابی قیامت تک اسی خاندان کے پاس رہے گی۔متعلقہ عنوان :
مزید بین الاقوامی خبریں
-
آسڑیلین پاکستانی نینشل ایسوی ایشن اپنا کے زیر اہتمام عید کے موقع پرقیونسلنڈ میں سال 2023 میں سماجی ،معاشرتی اور مذہبی خدمات پر اپنا عید ایوارڈ دیے
-
حماس قیادت دوحا میں رہے گی، قطرکا دو ٹوک پیغام
-
ایران چند ہفتوں میں جوہری ہتھیار تیار کرسکتا ہے،آئی اے ای اے
-
امریکہ، طالب علموں سے زیادتی کرنے والی 25 خواتین اساتذہ گرفتار
-
روس اورچین نے باہمی تجارت کیلئے ڈالرکا استعمال ختم کردیا
-
امریکی سینیٹ نے ٹک ٹاک پر پابندی کے لئے قانون سازی کی منظوری دے دی
-
ایپل کا آن لائن ایونٹ کے انعقاد کا اعلان
-
ٹیسلا نے 4 ماہ قبل بنائی گئی یو ایس گروتھ ٹیم کو فارغ کردیا
-
ایرانی صدر ابراہیم رئیسی پاکستان سے سری لنکا کے دورے پر پہنچ گئے
-
شہزادہ ولیم اور کیٹ مڈلٹن کو نئی شاہی ذمہ داریاں سونپ دی گئیں
-
بھارت کا میڈیا عوام کے مسائل اجاگر کرنے کے بجائے مودی کے گن گاتا ہے،راہول گاندھی
-
تارکین وطن کے حوالہ سے صورتحال پر مغرب میں خانہ جنگی کا خدشہ ہے، ایلون مسک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.