پاک ترک بزنسمین ایسوسی ایشن کے وفد کا ایف پی سی سی آئی کے ریجنل آفس کا دورہ
منگل 10 نومبر 2015 16:20
لاہور ( اُردو پوائنٹ اخبارتازہ ترین - این این آئی۔10 نومبر۔2015ء)پاک ترک بزنسمین ایسوسی ایشن (پی ٹی بی اے )کے وفد نے ڈائریکٹر پبلک ریلشنز نبی توسن کی قیادت میں فیڈریشن آف پاکستان چیمبر آف کامرس اینڈ انڈسٹری (ایف پی سی سی آئی )کے ریجنل آفس کا دورہ کیا۔ اس موقع پر پی ٹی بی اے کے ڈائریکٹر پبلک ریلشنز نبی توسن نے ایف پی سی سی آئی، ٹریڈ چیمبر اور ٹریڈ و ایسوسی ایشن کے ممبران کو ترکی میں ہونے والے والڈ ٹریڈ برج 2015ایکسپو کے حوالے سے بریفنگ دیتے ہوئے کہا کہ نمائش میں فوڈ،زراعت،کنسٹرکشن مشینری پیپر اوربورڈ،شوگر،سیمنٹ،کیمیکل،الیکٹرونکس،سوفٹ وئیر ڈویلپمنٹ اور فنانس سیکٹر میں باہمی تجارت کو فروغ دینے کی سرگرمیاں ہو گی اور جس میں دنیا بھر سے برنس کمیونٹی شرکت کریں گی۔
انہوں نے مزید کہا کہ پاکستان ہمارا دوسرا گھر ہے ہم پاکستان میں سرمایہ کاری کو اپنے ملک کی طرح کی محفوظ سمجھتے ہیں اور ہماری سرمایہ داروں کی ٹیم پنجاب خصوصی طور پر لاہور میں مختلف سکیٹر میں سرمایہ کاری کیلئے پاکستان آئی ہے۔(جاری ہے)
اس موقع پرریجنل چےئرمین خواجہ ضرار کلیم نے شرکاء سے خطاب کرتے ہوئے کہا کہ دسمبر میں ترکی میں ہونے والی والڈ ٹریڈ برج ایکسپو میں میں شرکت کیلئے ایف پی سی سی آئی کا 15رکنی وفد جائے گا جس کی تمام تر تیاریاں مکمل کر لی گی ہیں۔
ایف پی سی سی آئی کے نائب صدر حمید اختر چڈھا نے کہا کہ ترکی اور پاکستان کا ایک قدیم تاریخی اور مذہبی تعلق ہے اور دونوں ممالک او آئی سی اور ای سی او کے ممبر ہیں اور انٹر نیشنل ایشوز پر ایک دوسرے سے مشاورت بھی کی جاتی ہے۔انہوں نے کہا پاکستان اور ترکی کے درمیان تجارت کا حجم کم ضرور ہے مگر بہت مثبت طرز میں رواں دواں ہے۔دونوں ممالک کے پاس اپنی تجارت کو فروغ دینے کیلئے بے حد مواقع موجود ہیں۔ایف پی سی سی آئی کی ریجنل قائمہ کمیٹی برائے امن وامان کے چےئرمین خواجہ خاور رشیدنے تقریب کے شرکاء سے خطاب کرتے ہوئے کہا کہ ترکش سرمایہ کاروں کیلئے پاکستان میں پیپر اوربورڈ،شوگر،سوفٹ وئیر ڈویلپمنٹ اور فنانس سیکٹر میں سرمایہ کاری کرنے کے بے شمار مواقع موجود ہیں اور ایف پی سی سی آئی ترکش سرمایہ داروں کو پاکستان میں سرمایہ کاری کی دعوت دیتی ہے۔اجلاس میں محمد یاسین ، جمیل احمد،صدیق الرحمن رانا،اعجاز احمد،اسرار احمد،محمد یونس،اخلاق احمد بٹ،میاں عارف، اسلم بھٹی سمیت دیگر نے شرکت کی۔مزید تجارتی خبریں
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
-
ملک میں سیمنٹ کی ریٹیل قیمتوں میں گزشتہ ہفتہ کے دوران کمی
-
برائلرگوشت کی قیمت میں مزید 25 روپے کلو کمی
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
پاکستان سٹاک ایکسچینج میں تیزی،71 ہزار751پوائنٹ کی نفسیاتی حد عبور کرگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.