کراچی، پی ٹی آئی کو عارف علوی اور علی ذیدی نے بلدیاتی الیکشن میں جماعت اسلامی کے ہاتھوں فروخت کر دیا ہے،اشرف قریشی
منگل 10 نومبر 2015 19:21
کراچی(اُردو پوائنٹ اخبارتازہ ترین - این این آئی۔10 نومبر۔2015ء) پاکستان تحریک انصاف کراچی کے صدر و عمران ٹائیگرز پینل کے صدر اشرف قریشی نے کہا ہے کہ پی ٹی آئی کو عارف علوی اور علی ذیدی نے بلدیاتی الیکشن میں جماعت اسلامی کے ہاتھوں فروخت کر دیا ہے جسٹس (R) وجیہ الدین کے ٹریبونل کے فیصلے کے مطابق عارف علوی اور علی ذیدی اب PTIکے عہدیداران نہیں رہے انہوں نے ذ اتی مفادات کے لئے PTI کو چندہ پارٹی میں تبدیل کر دیا ہے۔
ان خیالات کا اظہار انہوں نے کراچی پریس کلب میں ہنگامی پریس کانفرنس سے خطاب کرتے ہوئے کیا ان کے ہمراہ شیرین خان ، ڈاکٹر حسنین ، حبیب سواتی ، خان شاہ ، ڈاکٹر امتیاز ، خرم اقبال ، منیر ، جلال شاہ ، کامران رضا ، شفیق اعوان ، زائد آرائیں ، فیصل شاہد ، شاہد خٹک ، علی اعوان ، فاخرہ اور دیگر موجود تھے ۔(جاری ہے)
اشرف قریشی نے کہا کے پہلے عارف علوی نے اپنی MNAکی سیٹ کے لئے PTI فروخت کی اور اب آج علی ذیدی نے میئر کراچی کا خواب دیکھتے ہوئے PTIکو ترازو کے ہاتھوں فروخت کر دیا ہے۔
مذکورہ دونوں افراد صرف الیکشن کے ہی دنوں میں نظر آتے ہیں اور پھر غائب ہو جاتے ہیں۔ انہوں نے عوام سے کہا کے وہ PTIکے غلط فیصلوں کو دیکھتے ہوئے عمران ٹائیگرز پینل کے آزاد امید وار وں کو کامیاب کریں انہوں نے کہا کہ PTI انٹراپارٹی الیکشن کے فیصلے کے مطابق PTIکے مارچ میں پارٹی الیکشن کرانے تھے۔ جو کہ وہ بھی تاحال نہیں کرائے گئے انہوں نے کہا کہ الیکشن کمیشن آف پاکستان ضلع شرقی کے ریٹرننگ افسر ارشد عباسی کی جانبداری کا فی الفور نوٹس لے جو کہ عمران ٹائیگر ز پینل کے امیدواروں کو جماعت اسلا می اور علی ذیدی کی ایماء پر غیر قانونی ہراساں کر رہے ہیں لیکن ہم ان اوچھے ہتکنڈوں سے ڈرنے یا جھکنے والے نہیں بلکہ تمام تر رکاؤٹوں و انتقامی اقدامات کاڈٹ کر مقابلہ کریں گے ۔ انہوں نے کہا ہے کہ PTI کے انٹرا پارٹی کے الیکشن کے حوالے سے ڈاکٹر عارف علوی اور علی ذیدی کی پارٹی پوزیشن غیر قانونی اور غیر ائینی ہے اور جس کی روشنی میں مذکورہ دونوں افراد کے فیصلوں کی کوئی حیثیت نہیں ۔انہوں نے کہا کہ عارف علوی ، علی ذیدی اور جماعت اسلامی کی ملی بھگت سے عمران ٹائیگر ز کے پینل کی امید واروں کی راہ میں رکاؤٹیں ڈالی جا رہی ہے۔ ہم واضع کرنا چاہتے ہیں کہ ہماری جدوجہد آئینی ہے ریٹرننگ آفسر شرقی ارشد عباسی کے ذریعے امیدواروں کو ’’نشان ‘‘ کے حصول میں بھی پریشان کیا جا رہا ہے انہوں نے مزید کہا کہ غیر قانونی و غیر آئینی عہدیداران چاہے کتنی ہی سازشیں کر لیں مگر ہم مخالفین کے لئے قطعی میدان کھلا نہیں چھوڑیں گے ۔ انہوں نے کہا ہے کہ کراچی میں پہلی بارPTI کو مکمل طور پر جماعت اسلامی کے حوالے کر دیا گیا ہے جو کہ تحریر انصاف کی نظریاتی پوزیشن کو کمزور و مشکوک بنانے کے مترادف ہے۔ کیونکہ NA-246 کے ضمنی الیکشن میں PTI دوسرے نمبرپر آئی تھی اور جماعت اسلامی کے امید وار کی ضمانت تک ضبط ہوگئی تھی۔ ایسے ماحول میں کراچی میں PTIکی پوزیشن مستحکم کرنے کے بجائے 70 فیصد نشتیں جماعت اسلامی کے حوالے کر دی گئیں ۔ جو کہ PTi کے نظریاتی ورکرز کے لئے ناقابل قبول ہیں۔ NA-246 کے الیکشن کے بعد کراچی میں آزادانہ الیکشن لڑنے کے لئے PTIکے پاس سنہری موقع تھا جو کہ عارف علوی اور علی ذیدی کی نااہلی کی وجہ سے گنوادیا تھا۔ PTI میں پرانے اور نئے آنے والے نظریاتی ورکرز کو نظر انداز کرکے مخصوص افراد کو ٹکٹ جاری کئے ۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.