لاہورہائیکورٹ نے الطاف حسین کے جمع کرائے بیان حلف کو غیر تسلی بخش قرار دیدیا‘ وکیل کو نیا بیان حلفی جمع کرانے کی ہدایت
بدھ 11 نومبر 2015 20:56
لاہور( اُردو پوائنٹ تازہ ترین ۔۔ آئی پی اے ۔۔11 نومبر۔2015ء) لاہور ہائیکورٹ کے تین رکنی بنچ نے ایم کیو ایم کے سربراہ الطاف حسین کیخلاف دائر درخواستوں کی سماعت 17نومبر تک ملتوی کرتے ہوئے الطاف حسین کے پہلے سے جمع شدہ بیان حلفی کو غیر تسلی بخش قرار دیتے ہوئے وکیل کو دوبارہ بیان حلفی جمع کرانے کی ہدایت کر دی ۔ بدھ کو لاہو رہائیکورٹ کے جسٹس سید مظاہر علی اکبر نقوی کی سربراہی میں جسٹس مظہر اقبال سدھو اور جسٹس جسٹس ارم سجاد گل پر مشتمل تین رکنی فل بنچ نے گزشتہ روز کیس کی سماعت کی ۔
سماعت کے دوران الطاف حسین کی وکیل عاصمہ جہانگیر نے موقف اختیار کیا کہ الطاف حسین کے بیانات نشر کرنے کی پابندی سے بنیادی انسانی حقوق متاثر ہوئے ہیں۔آئین کی رو سے کسی کے اظہار رائے پر پابندی نہیں لگائی جا سکتی ۔(جاری ہے)
فاضل عدالت نے کہا کہ الطاف حسین کے بو لنے پر پابندی نہیں لیکن وہ جو کچھ تقاریر میں کہتے رہے ہیں اس کا نو ٹس لیا گیا ہے ۔سماعت کے دوران درخواست گزار وں نے موقف اپنایا کہ الطاف حسین کی جانب سے جو بیان حلفی جمع کروایا گیا اس کی کوئی اہمیت نہیں۔
عدالتی حکم کے مطابق نہ تو انہوں نے اپنے بیانات پر معافی مانگی ہے اور نہ ہی آئندہ ایسی تقاریر سے اجتناب برتنے کا حلف دیا ہے ۔فاضل عدالت نے الطاف حسین کے پہلے سے جمع شدہ بیان حلفی کو غیر تسلی بخش قرار دیتے ہوئے ان کے وکیل کو نیا بیان حلفی جمع کرانے کی ہدایت کرتے ہوئے کہا کہ عدالتیں آئین کے مطابق کام کرتی ہیں اور جو خلاف ورزی کرے گا اس کے خلاف کارروائی ہوگی۔الطاف حسین کی وکیل نے موقف اپنایا کہ پابندی کے حوالے سے سپریم کورٹ کا فیصلہ آچکا ہے ہائیکورٹ اس فیصلے کی روشنی میں کارروائی گے بڑھائے ،بیان حلفی پر عدالت عبوری حکم دے اس کے مطابق نیا بیان حلفی جمع کرادیا جائے گا۔عدالت نے کیس کی مزید سماعت 17نو مبر تک ملتوی کر دی اورالطاف حسین کے وکیل کو ہدایت کہ وہ الطاف حسین سے ہدایات لے کر عدالت میں پیش ہوں جس کے بعدعدالت بیان حلفی پر تحریری حکم جاری کرے گی۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.