گورنمنٹ میاں منشی ہسپتال میں روزانہ 500-600 مریضوں کا مفت علاج کیا جاتا ہے ‘ایم ایس میاں منشی ہسپتال
آؤٹ ڈور میں روزانہ چھ سو مریضوں کو مفت دوائی دی جا رہی ہے ،ایمرجنسی آپریشن تھیٹر 24 گھنٹے کھلا رہتا ہے ، ڈاکٹرز موجود ہیں ‘ ڈاکٹر محمد امیر
جمعہ 13 نومبر 2015 17:59
لاہور(اُردو پوائنٹ اخبارتازہ ترین - این این آئی۔13 نومبر۔2015ء )گورنمنٹ میاں منشی ہسپتال کے میڈیکل سپرنٹنڈنٹ ڈاکٹر محمد امیر نے کہا ہے کہ ہسپتال کے آؤٹ ڈور میں روزانہ تقریباً چھ سو مریضوں کو مفت ادویات فراہم کی جا رہی ہیں اور ایمرجنسی میں بھی علاج معالجہ کی سہولیات بالکل مفت فراہم کی جا رہی ہیں - انہوں نے مزید کہا کہ شعبہ ایمرجنسی میں ہر وقت ڈاکٹرز ڈیوٹی پر موجود ہوتے ہیں - ڈاکٹر محمد امیر نے گورنمنٹ میاں منشی ہسپتال کی کارکردگی کے حوالے سے بتایا کہ ایمرجنسی آپریشن تھیٹر 24 گھنٹے کھلا رہتاہے اور مریضوں کے ایمرجنسی آپریشن کئے جاتے ہیں - ہسپتال کے توسیعی منصوبے کے حوالے سے ڈاکٹر محمد امیر نے بتایا کہ ڈیڑھ کروڑ روپے کی لاگت سے حال ہی میں آرتھو پیڈک آپریشن تھیٹر نے بھی کام شروع کر دیا ہے - جبکہ ہسپتال کے لئے ایک کروڑ 35 لاکھ روپے کی نئی مشینیں بھی خریدی جا چکی ہیں - انہوں نے مزید کہا کہ میاں منشی ہسپتال میں چار منزلہ ٹراما سنٹر کی تعمیر کے کام کا بھی آغاز ہو چکا ہے اور آنے والے دنوں میں گورنمنٹ میاں منشی ہسپتال میں علاج معالجہ کی سہولیات میں مزید اضافہ ہو جائے گا جس سے لاہور کے مضافاتی علاقوں کے علاوہ دیگر ملحقہ شہروں کے غریب عوام استفادہ کر سکیں گے ۔
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.