فرانس بم دھماکوں کا مقصدفلسطینیوں اور شامیوں کی جدوجہد کو کمزور کرنا ہے،حافظ طاہر محمود اشرفی
پیر 16 نومبر 2015 16:59
لاہور(اُردو پوائنٹ اخبارتازہ ترین - آن لائن۔16 نومبر۔2015ء) فرانس بم دھماکوں کا مقصد اسلام اور مسلمانوں کو نقصان پہنچانا اور فلسطینیوں اور شامیوں کی جدوجہد کو کمزور کرنا ہے ۔ بے گناہ انسانیت کا قتل عام کرنے والوں کا اسلام اور مسلمانوں سے کوئی تعلق نہیں ہو سکتا۔ایک طرف انتہاء پسند اور دہشت گرد تنظیمیں بے گناہ انسانوں کا قتل عام کر رہی ہیں اوردوسری طرف اسرائیل اور بشارا لاسد فلسطینیوں ا ور شامیوں کی قتل و غارت گری میں مصروف ہیں۔
یہ بات پاکستان علماء کونسل کے مرکزی چیئرمین حافظ محمد طاہر محمود اشرفی نے لندن کے دورے سے واپسی پر ذرائع ابلاغ کے نمائندوں سے گفتگو کرتے ہوئے کہی۔ اس موقع پر مولانا زاہد محمود قاسمی ، مولانا ایوب صفدر ، مولانا عبد الحمید وٹو ، مولانا اسد اللہ فاروق، مولانا محمد مشتاق لاہوری اور حافظ محمد امجد بھی موجود تھے ۔(جاری ہے)
انہوں نے کہا یورپی ممالک امریکہ اور برطانیہ میں نوجوانوں کے رویوں میں عدم برداشت بڑھ رہی ہے۔
مذہبی اور سیاسی قائدین کی ذمہ داری ہے کہ وہ عدم برداشت کے رویوں کے خاتمے کے لیے اپنا بھرپور کردار ادا کریں ۔ انہوں نے کہا کہ فرانس میں ہونے والے دھماکوں کا اسلام اور مسلمانوں سے کوئی تعلق نہیں ہے ۔اسلام امن اور سلامتی کا دین ہے اور قرآن کریم میں واضح طور پر کسی ایک انسان کے قتل کو پوری انسانیت کا قتل قرار دیا گیا ہے اور رسول اکرم صلی اللہ علیہ وسلم نے مسلمان کو امن اور سلامتی دینے والا قرار دیا ہے۔
انہوں نے کہا کہ سعودی علماء کونسل ، جامعہ الازہر نے بھی پاکستان علماء کونسل کی طرح ان بم دھماکوں کی نہ صرف مذمت کی ہے بلکہ ایسا کرنے والوں کو اسلام اور انسانیت کا دشمن قرار دیا ہے اور اس سلسلہ میں پاکستان علماء کونسل ایک تفصیلی فتویٰ پہلے ہی جاری کر چکی ہے۔انہوں نے کہا کہ سعودی عرب کی فرمانروا شاہ سلمان بن عبد العزیز کی طرف سے دہشت گردی اور انتہاء پسندی کے خاتمے کا عزم امت مسلمہ کے دل کی آواز ہے اور دنیا میں امن پسند قوتوں اور معاشروں کے لیے لازم ہے کہ وہ دہشت گردی اور انتہاء پسندی کے خاتمے کے لیے مشترکہ جدوجہد کی طرف توجہ دیں اور ان اسباب کاحل تلاش کیا جائے جن کی بنیاد پر انتہاء پسند اور دہشت گرد تنظیمیں معصوم نوجوانوں کو دہشت گردی اور انتہاء پسندی کی طرف راغب کرتی ہیں۔ حافظ محمد طاہر محمود اشرفی نے کہا کہ پاکستان میں موجود تمام مکاتب فکر اور مذاہب کی قیادت فرانس بم دھماکوں کی شدید مذمت کرتی ہے ۔مزید اہم خبریں
-
صوبے کے عوام کو چور نہ کہا جائے،ایسی گفتگو برداشت نہیں کی جائیگی،علی امین گنڈا پور
-
بھارتی انتخابات: کشمیر میں امیدوار کھڑا نہ کرنے کی حکمت عملی
-
گورنر سندھ کے معاملے پر ہم نے مسلم لیگ ن سے کوئی گارنٹی نہیں مانگی، خالد مقبول
-
عازمین حج پاکستان کے سفیر بن کر جائیں اور وہاں ڈسپلن کا خیال رکھیں ، چیئرمین سینیٹ
-
فرانس ، پاکستانی سفیرعاصم افتخار احمد کا سینڈیلن میں پاکستان کے ایونٹنگ پیرس اولمپکس تربیتی کیمپ کا دورہ،کوچ پیئرڈیفرنس سے ملاقات
-
رفح سے فلسطینی شہریوں کا انخلا
-
کوپ 29 کے نتیجے میں ترقی پذیر ممالک کو موسمیاتی تبدیلیوں سے نمٹنے کیلئے مالیاتی ضروریات پورا کرنے میں مدد ملے گی، صدر مملکت آصف علی زرداری
-
وزیرِ اعظم نے سرمایہ کاری بورڈ کو ملک میں سرمایہ کاری اور نئے کاروبار کے آغاز کیلئے مزید آسانیاں پیدا کرنے کا ہدف دے دیا ، ون ونڈو آپریشن کی طرز پر طریقہ کار وضع کرنے کی ہدایت
-
فرانس میں پاکستان کے سفیر عاصم افتخاراحمد کا سینڈیلن میں پاکستان کے ایونٹنگ پیرس اولمپکس 2024 کے تربیتی کیمپ کا دورہ
-
روبینہ خالد نے بینظیرانکم سپورٹ پروگرام کی چیئرپرسن کی حیثیت سے ذمہ داریاں سنبھال لیں
-
پاکستان کے سیٹلائٹ آئی کیوب قمر نے چاند کے تین چکر کامیابی سے مکمل کرنے کے بعد مدار سے ابتدائی تصاویر بھیج دیں
-
بلاول بھٹو زرداری سے بینظیر انکم سپورٹ پروگرام کی چیئرپرسن سینیٹرروبینہ خالد کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.