عالمی شہرت یافتہ ڈیوڈ بیکھم کو دنیا کا خوبصورت اور پسندیدہ ترین مرد قرار دے دیا گیا

جمعرات 19 نومبر 2015 13:24

لندن(اُردو پوائنٹ اخبارتازہ ترین - آن لائن۔19 نومبر۔2015ء) فٹبال کا کھیل ہی دنیا بھر کا پسندیدہ کھیل نہیں ہے بلکہ اس کو کھیلنے والے کھلاڑی بھی لوگوں کے دلوں میں کسی ہیرو کی طرح بستے ہیں اور اسے ایک بار پھر ثابت کیا ہے ڈیوڈ بیکھم نے جنہیں ایک برطانوی میگزین نے دنیا کا خوبصورت اور پسندیدہ ترین مرد قرار دے دیا ہے۔برطانوی میگزین پیپل نے 40 سالہ عالمی شہرت یافتہ برطانوی فٹبالر ڈیوڈ بیکھم کوموجودہ دور میں دنیا کا خوبصورت اور پرکشش ترین مرد قرار دے دیا ہے اس طرح بیکم ان لوگوں میں شامل ہوگئے جنہیں اس اعزاز سے نواز گیا ہے جب کہ ان کے اس اعزاز کا اعلان برطانوی ٹی وی کے نائٹ شو میں کیا گیا۔

خیالات کا اظہار کرتے ہوئے بیکھم کا کہنا تھا کہ انہیں اس بات کا یقین ہی نہیں آرہا جب کہ یہ ان کی زند گی کا سب سے قیمتی لمحہ ہے۔

(جاری ہے)

بیکھم نے کہا کہ اس کے لیے وہ اپنے والدین کا شکریہ ادا کریں گے جو انہیں اس دنیا میں لے کر آئے اور اس کے علاوہ اپنے ہئیر ڈریسر، اپنے اسٹائل اور فوٹو شاپس کا بھی شکریہ ادا کریں گے جنہوں نے انہیں اس اعزاز کے قابل بنایا۔

ڈیوڈ بیکھم کا اپنی خوشی کا اظہار کرتے ہوئے کہنا تھا کہ وہ ہمیشہ اچھا لباس پہنتے ہیں اور خود کو اچھا محسوس کرتے ہیں لیکن یہ کبھی محسوس نہیں کیا کہ وہ دنیا کے پرکشش ترین اور دلکش انسان ہیں۔ڈیوڈ بیکھم سے قبل گزشتہ سال ہالی ووڈ اداکار ہیمس ورتھ کو اس اعزاز سے نوازا گیا تھا جب کہ انہوں نے بھی 15 سال تک فٹبال کی دنیا میں حکمرانی کی اور اس دوران انہوں نے 3 بار برطانیہ کی جانب سے ورلڈ کپ کھیلا اور ہسپانوی کلب ریئل میڈریڈ اور لاس اینجلس کے کلب گلیکسی کی بھی نمائندگی کی۔

Facebook Twitter Google + Share on Whatsapp

عالمی شہرت یافتہ ڈیوڈ بیکھم کو دنیا کا خوبصورت اور پسندیدہ ترین مرد قرار دے دیا گیا

مزید کھیلوں کی خبریں