یو اے ای میں ہوم سیریز کھیلنے کی بجائے گھر پر ہی ’محفوظ‘ وینیو تیار کرنا شروع کریں،راجیو شکلا کا پاکستان کو مشورہ
پیر 23 نومبر 2015 13:13
ممبی(اُردو پوائنٹ اخبارتازہ ترین - آن لائن۔23 نومبر۔2015ء) بھارتی کرکٹ بورڈ (بی سی سی آئی) کے سینئر عہدے دار او ر آئی پی ایل کے چیئرمین راجیو شکلا نے پاکستان کو مشورہ دیا ہے کہ وہ یو اے ای میں ’ہوم‘ سیریز کھیلنے کے بجائے گھر پر ہی ایک محفوظ وینیو تیار کرنا شروع کر دیے۔ شکلانے میڈیا سے گفتگو کرتے ہوہے کہا کہ یو اے ای میں کھیلنے کیلئے رضا مند ہونے کے بجائے پاکستان کو چاہیے کہ وہ محفوظ وینیوز پر کام کرے۔
’اگر پاکستان اسی طرح یو اے ای میں کھیلتا رہا تواس کی کرکٹ آہستہ آہستہ ختم ہوتی جائے گی۔ لاہور کو با آسانی ایک محفوظ وینیو کی شکل دی جا سکتی ہے‘۔شکلا کے مطابق، اگر پی سی بی لاہور میں گراوٴنڈ کے قریب ایک ٹیم ہوٹل تیار کر لے، جس میں مناسب سیکیورٹی فراہم ہو تو پھر انڈیا کو لاہور میں کھیلنے پر کوئی اعتراض نہیں ہو گا۔(جاری ہے)
تاہم، شکلا نے واضح کیا کہ انڈیا اْسی صورت لاہور میں کھیلنے کو تیار ہو گا جب پاکستان آئی سی سی کو مناسب سیکیورٹی کی یقین دہانی کرائے اور دوسرے ممبر بورڈز کو بھی یہاں کھیلنے پر اعتراض نہ ہو۔
’اگر لاہور کو محفوظ وینیو بنا دیا جائے تو سبھی یہاں کھیلنے آئیں گے‘۔جب شکلا کو پاکستان اور انڈیا کے درمیان گزشتہ سال طے پانے والا معاہدہ یاد دلایا گیا تو انہوں نے کہا کہ ’ہم چاہتے ہیں کہ اس مرتبہ پاکستان آئے اورانڈیا میں کھیلے۔ ہم پاکستان کو ہوم سیریز نہ ہونے کے مالی نقصان کا ازالہ کرنے کو بھی تیار ہیں‘۔شکلا کے مطابق، جب پاکستان میں چیزیں بہتر ہوں گی تو ’ہم وہاں جا کر ایک دو سیریز کھیل سکتے ہیں‘۔ایک سوال کے جواب میں شکلا کا اصرار تھا کہ پاکستان کا انڈیا میں کھیلنا غلط نہیں ہو گا کیونکہ بی سی سی آئی مہمان ٹیم کو مناسب سیکیورٹی اور مالی نقصان کا ازالہ بھی کرے گی۔’میرے خیال سے اس میں کوئی مضائقہ نہیں اسے کیوں انا کا مسئلہ بنایا جائے اور صرف دبئی میں کھیلنے پرکیوں اصرار جاری رکھا جائے‘۔جب شکلا سے پوچھا گیا کہ آخر انڈیا کیوں یو اے ای میں کھیلنے کو تیار نہیں ، جبکہ پچھلے سال یہاں آئی پی ایل کے کچھ میچ بھی کھیلے جا چکے ہیں؟ تو انہوں نے صرف اتنے کہنے پر اکتفا کیا کہ پاکستان کو اس پر بڑا مسئلہ نہیں کھڑا کرنا چاہیے۔ شکلا نے کہا کہ پی سی بی وفد کے دورہ ممبئی میں شیو سینا کے کارکنوں نے انہیں تنگ یا ہاتھ نہیں لگایا۔’وہ ونکھڈا سٹیڈیم آئے اور بی سی سی آئی صدر سے بات کرتے ہوئے نعرے بازی کی۔ انہوں نے مہمان وفد کو تنگ نہیں کیا‘۔متعلقہ عنوان :
مزید کھیلوں کی خبریں
-
بابر اعظم نے آئرلینڈ کیخلاف شرمناک شکست کا ملبہ باولرز اور فیلڈنگ پر ڈال دیا
-
پاکستان کرکٹ کیلئے ایک اور شرمناک دن، آئرلینڈ نے سیریز کا پہلا میچ جیت لیا
-
پہلا ٹی ٹونٹی، پاکستان کا آئرلینڈ کو جیت کے لیے 183 رنز کا ہدف
-
بابر اعظم نے ویرات کوہلی کا ٹی ٹونٹی ریکارڈ برابر کر دیا
-
بابر اعظم نے ایک اور ٹی ٹونٹی عالمی ریکارڈ اپنے نام کر لیا
-
سیریز کا پہلا ٹاکرا، آئرلینڈ نے ٹاس جیت لیا
-
سلطان اذلان شاہ کپ میں پاکستان اورنیوزی لینڈ کے مابین میچ 1-1 گول سے برابر، پاکستان فائنل میں جگہ بنانے میں کامیاب
-
سیالکوٹ،چیلنج کپ 2024 میں سیالکوٹ سمبڑیال نے ٹاپ پوزیشن حاصل کر لی
-
23 ویں ایشین جونیئر ٹین پن باؤلنگ چیمپئن شپ کے لئے پانچ رکنی قومی ٹیم کا اعلا
-
عامر آج ڈبلن میں ٹیم جوائن کرنے کے باوجود آئرلینڈ کیخلاف پہلا ٹی ٹونٹی نہیں کھیل سکیں گے
-
سلطان اذلان شاہ کپ جیتنے پر پاکستان ہاکی ٹیم کیلئے انعام کا اعلان
-
شاہد آفریدی نے پاکستان ٹی ٹونٹی سکواڈ سے دو آل راؤنڈرز کے اخراج پر سوال اٹھایا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.