Live Updates

تحریک انصاف کا قومی اسمبلی میں موثر اپوزیشن کا کردار ادا کرنے کیلئے خورشید شاہ سے رابطے کا فیصلہ

خورشید شاہ پیپلز پارٹی کے نہیں اپوزیشن کے لیڈر ہیں ، وہ پوری اپوزیشن کو ساتھ لے کر چلیں،سپیکرقومی اسمبلی کا ہمارے ساتھ رویہ جانبدارانہ ہے، تحریک انصاف کے سنٹرل آرگنائزر شاہ محمود قریشی کا پارلیمانی پارٹی سے خطاب

پیر 23 نومبر 2015 21:10

تحریک انصاف کا قومی اسمبلی میں موثر اپوزیشن کا کردار ادا کرنے کیلئے ..

اسلام آباد (اُردو پوائنٹ اخبارتازہ ترین - آئی این پی۔23 نومبر۔2015ء) پاکستان تحریک انصاف نے قومی اسمبلی میں موثر اپوزیشن کا کردار ادا کرنے کیلئے قومی اسمبلی میں قائد حزب اختلاف خورشید شاہ سے رابطہ کرنے کا فیصلہ کرلیا۔تفصیلات کے مطابق پیر کو پاکستان تحریک انصاف کے رہنماء شاہ محمود قریشی کی زیر صدارت پی ٹی آئی کی پارلیمانی پارٹی کا اجلاس ہوا۔

(جاری ہے)

اجلاس میں قومی اسمبلی میں موثر اپوزیشن کیلئے خورشید شاہ سے رابطہ کرنے کافیصلہ کیا گیا۔ شاہ محمود قریشی نے کہا کہ خورشید شاہ پیپلز پارٹی کے نہیں اپوزیشن کے لیڈر ہیں اس لئے وہ تمام اپوزیشن کو ساتھ لے کر چلیں۔ انہوں نے کہا کہ سپیکر ایاز صادق کا ہمارے ساتھ رویہ جانبدارانہ ہے، ہمیں قومی اسمبلی میں اجلاس کیلئے کمرہ تک نہیں دیا گیا جبکہ سپیکر ہمارے بل ایجنڈے میں شامل نہیں ہونے دیتے۔

Live پاکستان تحریک انصاف سے متعلق تازہ ترین معلومات