ٹیسٹ میچ دلچسپی بڑھانے کے لیے 4 روزہ ہونا چاہیے ، مارک ٹیلر
سڈنی(اُردو پوائنٹ اخبارتازہ ترین - آن لائن۔24 نومبر۔2015ء) آسٹریلیا کرکٹ ٹیم کے سابق کپتان مارک ٹیلر کرکٹ کی تاریخ کے پہلے ڈے اینڈ نائٹ ٹیسٹ میچ کے انعقاد کے بعد میچ کو چار روزتک محدود کرنے کے خواہش مند ہیں۔ مارک ٹیلر کا کہنا ہے کہ آسٹریلیا اور نیوزی لینڈ کے درمیان رواں ہفتے ہونے والا ڈے اینڈ نائٹ ٹیسٹ میچ کا انعقاد ٹیسٹ کرکٹ کی تجدید کا نقطہ آغاز ہونا چاہیے اور کھیل کو نئی نسل کے لیے دلچسپ بنانے کے لیے چار دن تک محدود کرنا چاہیے۔
ٹیلر کا کہنا تھا کہ "دیکھنا ہوگا کہ کرکٹ کس طرف جارہی ہے، نئی نسل عام طور پر زیادہ سے زیادہ تفریح چاہتی ہے اور میں سمجھتا ہوں کہ ان کی دلچسپی پانچ روز تک برقرار رکھنا آسان نہیں ہے "۔ان کا کہنا تھا کہ "اگرٹیسٹ کرکٹ میں بہترین چار دن ہوں اور یہ اتوار کو ختم ہو تو میچ کے آخری روز زیادہ تماشائیوں کی آمد کے امکانات ہوں گے"۔(جاری ہے)
ٹیلر نے کہا کہ"کچھ عرصہ قبل کسی نے مجھ سے کہا کہ ہم لوگوں کے ٹیسٹ کرکٹ کے بجائے ون ڈے اور ٹی ٹوئنٹی کرکٹ کی جانب رغبت پر حیران کیوں ہوتے ہیں جب ہم ون ڈے اور ٹی ٹوئنٹی کو اسکول اور چھٹی کے دن اور ایک رات میں کھیل سکتے ہیں جبکہ ٹیسٹ کرکٹ اسکول سے باہر ہے"۔
ان کا کہنا ہے کہ "میں نے اس بات کو آئی سی سی کی سطح پراٹھایا اوراس پر سنجیدگی سے نظرڈالنے کی ضرورت ہے اور اس پر ہم مل کرنئے منصوبے بنارہے ہیں"۔دوسری جانب آسٹریلیا کرکٹ ٹیم کے ایک اور سابق کپتان گریگ چیپل نے مارک ٹیلر کے منصوبے کی توثیق کرتے ہوئے کہا ہے کہ 'میں روایتی آدمی ہوں لیکن میں چار روزہ ٹیسٹ کرکٹ میچ سے خوفزدہ نہیں'۔آسٹریلیا اور نیوزی لینڈ کے درمیان ٹیسٹ کرکٹ کی تاریخ میں پہلی بار ڈے اینڈ نائٹ میچ 27 نومبر سے ایڈیلیڈ میں کھیلا جائے گا جس میں گلابی رنگ کی گیند استعما ل کی جائے گی۔مزید کھیلوں کی خبریں
-
ورلڈ اوپن اسکواش،پاکستان کے حمزہ خان مین ڈراز میں شامل
-
نیشنل ویمن فٹ بال چیمپئن شپ ملتوی
-
اولمپیئن جیولن تھرور ارشد ندیم نے ساؤتھ افریقا میں ٹریننگ کا آغاز کر دیا
-
شاہین آفریدی کو بطور کپتان تھوڑا وقت دینا چاہیے تھا،جاوید میانداد
-
پاکستان اورسری لنکا کے درمیان روایتی جے وردھنے ٹرافی مہمان ٹیم کے نام
-
پاکستا ن اور نیوزی لینڈ کے درمیان پانچ میچوں پر مشتمل ٹی ٹوئنٹی سریز کا دوسرا میچ (کل) کھیلا جائیگا
-
ورلڈ چیمپئن شپ آف لیجنڈز میں پاک۔ بھارت میچ کے ٹکٹ ہاتھوں ہاتھ فروخت
-
ہولگر رونے اور الیگزینڈر زویروف نے بی ایم ڈبلیو ٹینس چیمپئن شپ کے کوارٹر فائنل میں جگہ بنا لی
-
انڈین پریمیئر لیگ میں واحد میچ دہلی کیپٹلز اورسن رائزرز حیدرآباد کی ٹیموں کے مابین کل کھیلا جائے گا
-
آئی پی ایل کے دوران سٹیڈیم میں بکیز پکڑے گئے
-
سابق کرکٹرز کی پاکستان کی جانب سے عماد وسیم کو بینچ پر بٹھانے کے فیصلے پر تنقید
-
نیوزی لینڈ کیخلاف دوسرے ٹی ٹونٹی کیلئے پاکستان کی ممکنہ پلیئنگ الیون سامنے آگئی
