شاہ رخ خان پہلی مرتبہ ساتھی اداکار سلمان خان کے مقبول ریئلٹی شو بگ باس کا حصہ بنیں گے

جمعرات 26 نومبر 2015 12:12

ممبئی (اُردو پوائنٹ اخبارتازہ ترین - این این آئی۔26 نومبر۔2015ء) بالی ووڈ اداکار شاہ رخ خان پہلی مرتبہ ساتھی اداکار سلمان خان کے مقبول ریئلٹی شو بگ باس کا حصہ بنیں گے۔بولی وڈ لائف کی ایک رپورٹ کے مطابق بگ باس کی ٹیم کنگ خان شاہ رخ کو سلمان خان کے ساتھ بگ باس میں لانا چا رہی ہے۔ذرائع کے مطابق اگر سب کچھ توقعات کے مطابق ہوگیا تو شاہ رخ خان اس شو کا پہلی مرتبہ حصہ بنیں گے۔

(جاری ہے)

اس سے قبل سلمان خان نے متعدد بار شاہ رخ کو اپنے شو کا حصہ بنانے کی خواہش بھی ظاہر کی ہے۔شاہ رخ خان اس شو پر اپنی آں ے والی فلم ’دل والے‘ کی تشہیر کریں گے۔واضح رہے کہ گزشتہ ماہ شاہ رخ خان اور ان کی فلم ’دل والے‘ کی ٹیم نے سلمان خان کی فلم ’پریم رتن دھان پایو‘ کے گانے پر رقص کیا تھا، جبکہ سلمان خان نے بھی اپنی ٹیم کے ہمراہ شاہ رخ کے مقبول گانے ’تجھے دیکھا تو یہ جانا‘ پر رقص کیا تھا۔دونوں اداکاروں نے یہ ویڈیو سوشل میڈیا پر اپنے مداحوں کے ساتھ بھی شئیر کی تھیں۔